Kalabrium

Die Kalabrium is ’n chronostratigrafiese etage sowel as geologiese tydsnede van onderskeidelik die huidige sisteem en periode, die Kwartêr (serie/epog Pleistoseen). Dit verwys dus na ’n tydperk sowel as die gesteentes wat in dié tydperk gevorm het.

Periode/ sisteem	Epog/ serie	Tydsnede/ etage	M. jaar gelede
Kwartêr	Holoseen		0–0,0117
	Pleistoseen	Tarantium	0,0117–0,126
		Ionium	0,126–0,781
		Kalabrium	0,781–1,806
		Gelasium	1,806–2,588
Neogeen	Plioseen	Piasensium	ouer
Die verdeling van die Kwartêr (IKS).

Die tydperk was van sowat 1,806 tot 0,781 miljoen jaar gelede.^[1] Dit is voorafgegaan deur die Gelasium en gevolg deur die Ionium.

Definisie

Die basis van die Kalabrium word gedefinieer deur die laaste voorkoms van die nanoplankton Discoaster brouweri en die Foraminifera Globigerinoides extremus, en die eerste voorkoms van Gephyrocapsa spp.; die bokant word gedefinieer as die begin van die Middel-Pleistoseen en dus die omkering van die aarde se magneetveld tussen die magnetiese chronosones Matuyama en Brunhes.