Letlanders

Die Letlanders (Lets: latvieši, Lyfs: leţlizt) of Lette is 'n Baltiese nasie en etniese groep inheems aan Letland wat 'n gemeenskaplike Letse afkoms, kultuur en geskiedenis deel, en Lets as moedertaal praat. Alternatiewelik is Letlanders diegene wat in Letland woon of in Letland gebore is.

Burgers en gewone mense in die middeleeuse Lyfland van die 16de eeu

Hierdie artikel handel oor die etniese groep. Vir die taal, sien Lets.

Letlanders
Totale bevolking:	ca. 1,55 miljoen
Belangrike bevolkings  in:	Letland 1,2 miljoen[1]  Verenigde State 82 053[2]  Verenigde Koninkryk 39 000[3][4]  Duitsland 27 752[5]  Kanada 27 355[6]  Brasilië 25 000[7]  Ierland 20 593[8]  Australië 20 124[9]  Rusland 20 068  Nieu-Seeland 20 000[10]  Noorweë 8 077[11]  Oekraïne 5 079[12]  Swede 4 116[13]  Denemarke 3 799[14]  Spanje 3 711[15]  Italië 2 689[16]  Litaue 2 300[17]  Estland 1 840[18]  Frankryk 1 702[19]  Belarus 1 549  Nederland 1 400[20]  Finland 1 164[21]  Kasakstan 1 123[22]  Switserland 736[23]  België 679[24]  Ysland 654[25]  Turkmenistan 500  Venezuela 300[26]  Moldowa 400  Portugal 383[27]  Pole 293[28]  Georgië 200  Argentinië 200  Tsjeggië 193[29]  Oostenryk 152[30]  Oesbekistan 140[31]  Chili 100  Kirgisië 82[32]  Griekeland 69[33]  Kroasië 11[34]
Taal:	Lets
Geloofsoortuiging:	Hoofsaaklik Christendom (Lutheranisme • Rooms-Katolieke Kerk • Oosters-Ortodokse Kerk), Dievturība
Verwante etniese groepe:	Ander Baltiese volke soos Litauers; Baltiese Duitsers

Letlanders vorm die titulêre nasie van Letland, waar hulle sowat 62% van dié land se bevolking uitmaak. Naas Letlanders leef nog minderhede soos Russe (26%), Wit-Russe (3,4%), Oekraïners (2,3%), Pole (2,1%) en Litauers (1,3%) in Letland; 'n historiese minderheid vorm die Baltiese Duitsers wat na die Tweede Wêreldoorlog veral in Duitsland gevestig het.

Wêreldwyd leef sowat 1,55 miljoen Letlanders, waarvan 1,2 miljoen in Letland, 82 053 in die Verenigde State, 39 000 in die Verenigde Koninkryk, 27 752 in Duitsland, 27 355 in Kanada, 25 000 in Brasilië, 20 593 in die Republiek van Ierland, 20 124 in Australië, 20 068 in Rusland en 20 000 in Nieu-Seeland.

Die Letlanders behoort saam met Litauers tot die Baltiese volke, terwyl Estlanders tot die Fins-Oegriese volke behoort en Fins-Oegriese tale praat. Die meeste Letlanders is Christene, veral Lutherane, Rooms-Katolieke en Oosters-Ortodokse; gevolg deur ongebonde.