Luganda

Luganda of Ganda (Oluganda, [oluɡâːndá]) is 'n Bantoetaal in Oos-Afrika wat deur sowat 6,6 miljoen mense gepraat word. Dit word hoofsaaklik deur die Baganda in die Koninkryk Buganda in suid-sentrale Uganda langs die kus van die Victoriameer, insluitende die hoofstad Kampala, gepraat. Luganda is een van die mees gebruikte tale in Uganda en is net na Engels en nog voor Swahili die belangrikste tweede taal in dié land. Tipologies is dit 'n hoogs agglutinerende taal met 'n onderwerp-werkwoord-voorwerp-volgoorde en nominatiewe akkusatiewe morfosintaktiese belyning.

Hierdie artikel handel oor die taal. Vir die etniese groep, sien Baganda.

Luganda/Ganda Oluganda
Uitspraak:	[oluɡâːndá]
Gepraat in:	Uganda
Gebied:	Hoofsaaklik Buganda
Totale sprekers:	6,6 miljoen[1]
Taalfamilie:	Niger-Kongo  Atlanties-Kongo   Volta-Kongo    Benue-Kongo     Bantoid      Suidelike Bantoid       Bantoetale        Noordoos-Bantoe         Groot Mere-Bantoe          Nyoro–Ganda           Luganda/Ganda
Skrifstelsel:	Latynse alfabet
Amptelike status
Amptelike taal in:	geen
Gereguleer deur:	geen
Taalkodes
ISO 639-1:	lg
ISO 639-2:	lug
ISO 639-3:	lug