Maninka

Maninka (ߡߊ߬ߣߌ߲߬ߞߊ߬ߞߊ߲, Maninkakan) is 'n Niger-Kongo-taal in Wes-Afrika wat deur sowat 4,6 miljoen mense gepraat word. Dit word deur die Mandinka-volk gepraat, regoor die lande Guinee, Ivoorkus, Liberië, Mali, Senegal en Sierra Leone. Maninka vorm saam met Bambara, Dyula en Mandinka 'n dialekkontinuüm wat as Manding bekend staan. Afhangende van die gebied word Maninka met óf die Latynse alfabet óf die N'Ko-alfabet geskryf; laasgenoemde is in 1949 deur Soulemayne Kante vir die dialekkontinuüm ontwerp en gebaseer op die Arabiese alfabet.

Moenie verwar word met Mandinka nie.

Maninka ߡߊ߬ߣߌ߲߬ߞߊ߬ߞߊ߲ Maninkakan
Gepraat in:	Guinee  Ivoorkus  Liberië  Mali  Senegal  Sierra Leone
Gebied:	Wes-Afrika
Totale sprekers:	4,6 miljoen[1]
Taalfamilie:	Niger-Kongo  Atlanties-Kongo   Mande    Wes-Mande     […]      Manding       Oos-Manding        Maninka
Skrifstelsel:	Latynse alfabet, N'Ko-alfabet
Amptelike status
Amptelike taal in:	Mali (nasionale taal)
Gereguleer deur:	geen
Taalkodes
ISO 639-1:	geen
ISO 639-2:
ISO 639-3:	—

Maninka is een van Mali se nasionale tale, naas die amptelike taal Frans.