Metaantiol

Metaantiol of (metiel)merkaptaan is die eenvoudigste organiese verbinding met 'n tiol-groep. Dit het die formule CH₃SH. Dit word vanweë sy stank in klein hoeveelhede aan aardgas bygevoeg om mense te waarsku indien daar 'n gaslek is.

Eienskappe

Algemeen
Naam	metaantiol
Ander name	metielmerkaptaan, merkaptaan
Struktuurformule van metaantiol
Chemiese formule	CH3SH
Molêre massa	48,11 g/mol
CAS-nommer	200-822-1
Voorkoms	kleurlose stinkende gas
Reuk	Vrot kool, vrot knoffel
Reukdrempel	0,003 dpm[1]
Fasegedrag
Smeltpunt	-123 °C
Kookpunt	+6 °C
Digtheid	1,66 (rel lug)
Oplosbaarheid	23,3 g/L in water @ 20 °C [1]
Dampdruk	1536 torr (@ 20 °C)
Suur-basis eienskappe
pKa	10,4
Veiligheid
Flitspunt	-18 °C[2]
Tensy anders vermeld is alle data vir standaardtemperatuur en -druk toestande.
Portaal Chemie

Giftigheid

Dit is nogtans 'n giftige stof wat die respirasie in mitochondrieë kan blokkeer deur die ensiem sitochroom-C-oksidase te beskadig. Inaseming lei tot vinnige opname.^[1]

Geochemie

Daar is bakterieë wat dit in mariene sedimente vervaardig. In sedimente by die eiland Texel word dit byvoorbeeld veral in die vroeë somer op dieptes van 3-4 cm in konsentrasies van ongeveer 30 nmol/cm³ aangetref.^[3]