Mutlumuvirivier

Die Mutlumuvirivier vorm 'n linkersytak van die Sandrivier, sowat 21 km noord-noordoos van Skukuza.^[1] Die Sand- vorm op sy beurt 'n sytak van die Sabierivier in Mpumalanga, Suid-Afrika. Die Mutlumuvi vloei suidwaarts oor 'n substraat van graniet, en is in sy geheel in die Krugerwildtuin geleë. Die rivier word deur die H1-2-toeristepad en die aanliggende Maroela-ompad (S83) oorgesteek.

Mutlumuvirivier
Aansluiting met die Sandrivier, Krugerwildtuin Aansluiting met die Sandrivier, Krugerwildtuin
Stroomgebied	Mpumalanga, Suid-Afrika
Monding	Sandrivier
Monding-hoogte	426 m
Mutlumuvirivier
Koördinate: 24°56′35″S 31°40′41″O

Rhino Post Safari Lodge, deel van die Rhino Walking Safaris-konsessie, is aan die Mutlumuvi se linkeroewer geleë. Verder stroomop behoort Plains Camp ook tot die konsessie. Die konsessie word 'n privaat deurkruisingsgebied van 12 000 hektaar toegestaan, maar benut ook wildtuinpaaie vir wildritte.

"Mutlumuvi" is deur die Sjangaans uit 'n Sotho-beskrywing, "motla-omobe", afgelei. Dit beteken "gevaarlik in vloed".^[1]