Pinetown

Pinetown is 'n stad, 16 km wes van Durban, en lê weerskante van die N3-hoofweg in KwaZulu-Natal, Suid-Afrika.

Pinetown
Dorp
Pinetown
Koördinate: 29°49′S 30°51′O
Land	Suid-Afrika
Provinsie	KwaZulu-Natal
Metropolitaanse Munisipaliteit	eThekwini
Stigting	1849
Oppervlak
• Totaal	86,15 km2 (33,26 vk. myl)
Hoogte	305 m (1 001 ft)
Bevolking
• Totaal	144 026
• Digtheid	1 700/km2 (4 000/vk. myl)
Tydsone	UTC+2 (SAST)
Poskode	3600
Skakelkodes	031

Geskiedenis

Die dorp voer sy oorsprong terug na 'n skofpos vir poskoetse en togryers tussen Durban en Pietermaritzburg. Die skofpos, die Wayside Hotel, is in 1849 op 'n deel van die plaas Soutrivierpoort wat AK Murray gekoop het, opgerig. Die dorp is net hierna uitgelê en is vernoem na Benjamin Pine, goewerneur van Natal. Munisipale status is in 1942 en stadstatus is in 1949 toegeken.

Uitleg

Die wisselaar te Paradise Valley, Pinetown, wat die King Cetshwayo-hoofweg met die N3-hoofweg verbind

Die sentrale besigheidsdistrik lê weerskante van Josiah Gumedeweg, waar Pinetown Girls' High School ook geleë is. Die roete van die Comrades-ultramaraton, wat die bekende Fields- en Cowiesheuwels met mekaar verbind, volg ook hierdie hoofstraat.

Parke en reservate sluit in die Sarnia Japannese Tuin, Lahee Park, Gibakloof-bergfietspark, Paradise Valley en die aanliggende New Germany-natuurreservaat. Die Mlazirivier vloei aan die suidekant van die stad. Die N3- sowel as King Cetshwayo-hoofweë loop deur die stad, en word deur 'n wisselaar met mekaar verbind.

Sien ook

• Pinetown (kiesafdeling)
• Lys van dorpe in Suid-Afrika