Rassie Erasmus

Rassie Erasmus (5 November 1972 in Despatch) is 'n voormalige Springbokrugbyspeler en Suid-Afrika se sewe-en-veertigste Springbokkaptein. Hy het Suid-Afrika in een toets aangevoer en het tussen 1997 en 2001 36 wedstryde vir Suid-Afrika gespeel, asook in die Rugbywêreldbeker 1999.

Rassie Erasmus
Volle naam	Johan Erasmus
Geboortedatum	5 November 1972 (1972-11-05) (52 jaar oud)
Geboorteplek	Despatch, Suid-Afrika
Lengte	191 cm
Massa	98 kg
Skool	Hoërskool Despatch
Universiteit	Universiteit van die Vrystaat
Rugbyloopbaan
Loopbaan as speler
Posisie(s)	Vleuel, agsteman
Springbokno.	649
Amateurspanne
Jare	Klub / span	Weds	(pte)
	Collegians
Provinsiale- / Staatspanne
Jare	Klub / span	Weds	(pte)
1994–98, 01–03 1998–2000	Vrystaat Cheetahs Goue Leeus	112 7
Superrugby/Verenigde Rugbykampioenskap
Jare	Klub / span	Weds	(pte)
1997 1998–2001 2003	Cheetahs Lions Stormers	7 46 4	(10) (45) ?
Nasionale span(ne)
Jare	Land	Weds	(pte)
1997–2001	Suid-Afrika	36	(35)
Loopbaan as afrigter
Jare	Klub / span
2004–2006 2006–2007 2008–2011 2016–2017 2018–2019 2018 2024–	Vrystaat Cheetahs Cheetahs Stormers Munster Rugby Suid-Afrika Barbarians Suid-Afrika
korrek soos op 7 Oktober 2024.

Hy is op 1 Maart 2018 as die nuwe Springbokafrigter aangestel en het dié span afgerig tydens die Rugbywêreldbeker 2019, waartydens Suid-Afrika vir die derde keer die Webb Ellis-beker omhoog kon hou. Sy pligte het verdubbel toe hy teen die einde van 2017 as die eerste SARU-direkteur van Rugby aangestel is.

Erasmus het op provinsiale vlak vir die Vrystaat Cheetahs en die Goue Leeus gespeel, en in Superrugby vir die Cats en die Stormers. Daarna het hy homself as 'n afrigter gevestig deur die Vrystaat tot Curriebekerkampioen te lei.

Sedert vroeg in 2024 dien Erasmus in sy tweede termyn as Springbokafrigter. In dieselfde jaar het hy 'n eredoktorsgraad van die Noordwes-Universiteit in afrigtingwetenskap ontvang.^[1]