Robbie Wessels

Robert Albert Wessels (gebore 30 Oktober 1980 op Kroonstad) is 'n bekende Afrikaanse sanger en akteur. Hy is in 2005 deur Huisgenoot aangewys as Beste Nuweling in die Afrikaanse Musiekbedryf, en in 2006 is sy liedjie Leeuloop deur Huisgenoot aangewys as die Liedjie van die Jaar.^[1]

Robbie Wessels
Geboortenaam	Robert Albert Wessels
Alias	Poena
Geboorte	30 Oktober 1980 Kroonstad, Suid-Afrika
Nasionaliteit	Suid-Afrikaans
Beroep(e)	akteur, sanger, liedjieskrywer
Rolprente	Poena is Koning (rolprent)

Biografie

Wessels is op 30 Oktober 1980 op Kroonstad gebore. Hy gaan skool by Hoërskool Kroonstad en matrikuleer aan die Hoërskool Strand waarna hy drama aan die Technikon Pretoria (tans die Tshwane-Universiteit van Tegnologie) studeer. Hy verwerf sy diploma in 2002 waarna hy die vermaaklikheidswêreld aandurf. Kort daarna kry hy die geleentheid om die rol van Anton in RSG se radioverhaal Blinkwater te vertolk. Sy eerste televisierol was dié van Poena in die program Gauteng-alêng-alêng.

Diskografie

Wessels het die volgende albums uitgereik:

• My Vissermanvriend se Pa, 2005
• Halley se Komeet, 2007
• Afrika Sonsak, 2009
• Kaalvoet, 2011
• Als wat ek het, 2014
• Woestyn, 2017
• Staan Saam, 2019
• Die Sluise van die Hemel, 2020

Filmografie

Rolprente waarin Wessels speel:

• Poena is Koning (rolprent), 2007
• 'n Saak van geloof, 2011
• 100 meter Leeuloop, 2013
• As jy sing, 2013

Sien ook

• Leeuloop
• Poena is Koning (rolprent)
• Afrikaanse musiek
• Lys van Suid-Afrikaanse musikante