Ruth Mompati

Ruth Mompati (14 September 1925 - 12 Mei 2015) was 'n Suid-Afrikaanse politikus en een van die leiers van die Vroue-optog op 9 Augustus 1956.^[1]

Ruth Mompati
Parlementslid, Suid-Afrikaanse ambassadeur en burgemeester
Tikster vir Nelson Mandela en Oliver Tambo
Ampstermyn 1953 – 1961
Persoonlike besonderhede
Gebore	Ruth Segomotsi Mompati (1925-09-14)14 September 1925 Ganyesa, Kaapprovinsie
Sterf	12 Mei 2015 (op 89) Kaapstad
Alma mater	Tygerkloof Onderwysersopleidingskollege

Vroeë lewe en onderwys

Ruth Mompati is in die verrenoorde van die destydse Kaapprovinsie (nou Noordwes) gebore. Nadat sy standaard 6 voltooi het, het sy vir 'n blanke gesin gewerk en later na die Tygerkloof Onderwysersopleidingskollege gegaan, waar sy in 1944 haar onderwysdiploma verwerf het.

Loopbaan

Van 1953 tot 1961 werk sy as tikster by Nelson Mandela en Oliver Tambo in hul regspraktyk in Johannesburg. Sy het in 1954 by die African National Congress aangesluit en is verkies tot die Nasionale Uitvoerende Komitee van die Vroueliga.