Saara Kuugongelwa

Saara Kuugongelwa-Amadhila (gebore op 10 Oktober 1967) is 'n Namibiese politikus en van 2015 tot 2025 die eerste minister van Namibië.^[1] Sy het van 2003 tot 2915 as die Minister van Finansies gedien.^[2] Sy is 'n lid van SWAPO en sedert 21 Maart 2025 voorzitter van Namibië se nasionale vergadering.

Saara Kuugongelwa
Saara Kuugongelwa in 2020
5de Eerste minister van Namibië
Ampstermyn 21 Maart 2015 – 20 Maart 2025
Vise	Netumbo Nandi-Ndaitwah (2015–2024)
President	Hage Geingob (2015–2024) Nangolo Mbumba (2024–2025)
Voorafgegaan deur	Hage Geingob
Opgevolg deur	Elijah Ngurare
Minister van Finansies
Ampstermyn 2003 – 21 Maart 2015
President	Sam Nujoma (2003–2005) Hifikepunye Pohamba (2005–2015)
Eerste minister	Theo-Ben Gurirab (2002–2005) Nahas Angula (2005–2012)
Voorafgegaan deur	Nangolo Mbumba
Opgevolg deur	Calle Schlettwein
Persoonlike besonderhede
Gebore	12 Oktober 1967 (1967-10-12) (57 jaar oud) Ovamboland, Suidwes-Afrika (nou Namibië)
Politieke party	SWAPO
Alma mater	Lincoln-universiteit, Pennsilvanië

Ballingskap

Kuugongelwa is in Okahao, Omoesati gebore en het in 1980 met SWAPO in ballingskap gegaan, en vanaf 1982 op die ouderdom van 15 in Sierra Leone gewoon. Sy was 'n leerder aan die Koidu Sekondêre Meisieskool (1982–1984) en die Sekondêre Skool Sint Josef (1984–1987). Vanaf 1991 tot 1994 het Kuugongelwa by die Lincoln-universiteit in Pennsilvanië gestudeer, waar sy in ekonomie gegradueer het.

Politieke loopbaan

Kuugongelwa het na haar gradeplegtigheid aan Lincoln ná Namibië teruggekeer en die amp as lessenaarbeampte in president Sam Nujoma se kantoor aangeneem. Op die ouderdom van 27 is Kuugongelwa in 1995 benoem as direkteur-generaal van die Nasionale Beplanningskommissie. Sy is in 2003 as Minister van Finansies aangestel. Op die Heldedag van 2014 ontvang sy die gesogte Orde van die Son in die tweede klas.^[3]