Sepik

Die Sepik (Engels: Sepik River, vroeër Duits: Keiserin Augusta-rivier^[1]) is met 'n lengte van 1 100 km (700 myl) een van die langste riviere op die eiland Nieu-Guinee, van die eilandnasie Papoea-Nieu-Guinee, asook van die kontinent Oseanië.

'n Dorpie langs die Sepik

Sepik
Nasa-Satellietbeeld van die Sepik se monding in die Bismarcksee Nasa-Satellietbeeld van die Sepik se monding in die Bismarcksee
Die stroomgebied van die Sepik
Oorsprong	Viktor Emmanuel-bergreeks, Papoea-Nieu-Guinee
Monding	Papoea-Nieu-Guinee Bismarcksee
Stroomgebied	Indonesië, Papoea-Nieu-Guinee
Lengte	1 100 km (700 myl)
Oorspronghoogte	2 170 m (7 119 voet)
Mondinghoogte	0 m (0 voet)
Gemiddelde afloop	3 804 m³/s (134 337 ft³/s)
Stroomgebiedopp.	77 700 km² (30 000 myl²)

Die Sepik ontspring in die Viktor Emmanuel-bergreeks in Sentraal-Nieu-Guinee, net noord van die Fly se bron in die Westelike provinsie van Papoea-Nieu-Guinee. Aansluitend vloei dié rivier in 'n noordwestelike rigting en raak die grens tot Indonesië. Vanaf hier vloei die Sepik in 'n noordoostelike rigting en mond sonder delta in die Bismarcksee uit.^[2]

Die Sepik se omgewing is gekenmerk deur moerasse, reënwoud en berge. Dié rivier is in 1885 deur Duitsers vir Europa ontdek en ná keiserin Augusta, die vrou van die destydse keiser Wilhelm I van die Duitse Keiserryk genoem.