Wildeperske

Die wildeperske (Kiggelaria africana) is 'n klein tot middelslagboom. Hulle kom voor in immergroenwoude en op berggrasveld. Dit kom in al die provinsies van Suid-Afrika^[1] en asook Eswatini, Ethiopië, Lesotho, Malawi, Mosambiek, Namibië, Tanzanië en Zimbabwe^[2] voor.

Wildeperske
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
(geen rang):	Rosids
Orde:	Malpighiales
Familie:	Achariaceae
Genus:	Kiggelaria
Spesie:	K. africana
Binomiale naam
Kiggelaria africana L.
Sinonieme
Kiggelaria dregeana Turcz. Kiggelaria ferruginea Eckl. & Zeyh. Kiggelaria flavovelutina Sleumer Kiggelaria glandulosa Salisb. Kiggelaria grandifolia Warb. Kiggelaria hylophila Gilg Kiggelaria integrifolia Jacq. Kiggelaria serrata Warb. ex Engl.

Die blare het dikwels klein stippels aan die onderkant wat van die bokant af na knoppe lyk; dit staan bekend as akadoromatia. Die vrugte is skurf en vratterig en is sowat 1,5 cm in deursnee. Die sade is swart en oortrek met 'n klewerige rooi laag. Dié bome is gasheer vir die larwes van die tuinrooitjieskoenlapper (Acraea horta), wat dikwels in groot getalle voorkom en 'n boom volkome kan ontblaar.

Die boom se FSA-nommer is 494^[3]. Daar is net een spesie in die genus en dit is dus 'n monotipiese takson.

Galery

• 
  Jong boompie
• 
  Manlike blom
• 
  Loof en vroulike blomme
• 
  Geslote vrugkapsules
• 
  Oop vrugkapsule met rooi sade
• 
  Papie van die tuinrooitjie

Sien ook

• Alfabetiese lys van Suid-Afrikaanse bome