Hochschule der Bundesagentur für Arbeit
From Wikipedia, the free encyclopedia
D Hoochschuel vu dr Bundesagäntuur fir Aarbet (dt. Hochschule der Bundesagentur für Arbeit (HdBA)) isch e staatlig anerkännti Hoochschuel mit akkreditierte Stuudiegäng. Si isch anne 2006 vu dr Bundesagäntuur fir Aarbet (BA) grindet, vum Wisseschaftsroot akkreditiert un vum Land Baade-Wiirtebäärg staatlig anerkännt woore. Anne 2011 sin d Hoochschuel un d Stuudiegäng re-akkrediert woore.
| HdBA | |
|---|---|
 | |
| Gründig | 2006 |
| Drägerschaft | Bundesagäntuur fir Aarbet |
| Ort | Mannem, Schwerin |
| Bundesland | Baade-Wiirtebäärg, Mecklenburg-Vorpommern |
| Land | Dytschland |
| Räkter | Andreas Frey |
| Studänt*ene | 1000 |
| Website | www.HdBA.de |
Die Hoochschuel isch anne 2006 entstande us em Fachberaich Aarbetsverwaltig vu dr Fachhoochschuel vum Bund fir effetligi Verwaltig. Där isch syter 1972 z Mannem aagsiidlet gsii un het Beamti un Aagstellti fir dr ghoobene Dienscht vu dr Aarbetsverwaltig uusbildet. Mit em Iibergang vum Fachberaich vum Bund an d BA isch 2006 au s Stuudienaagebot komplett reformiert woore. Syt Septämber 2006 bietet d HdBA Studänte*ne an dr Campus Mannem un Schwerin d Meegligkait, si in dr grundständige Stuudiegäng „Aarbetsmäärtmanagement (Bachelor of Arts)“ un „Berootig fir Bildig, Beruef un Bschäftigung (Bachelor of Arts)“ fir aarbetsmäärtbolitischi Fachchreftufgaabe z qualifiziere. Zum Oktoober 2015 het d Hoochschuel dr Master-Stuudiegang näb em Beruef „Aarbetsmäärtorientierti Berootig (Master of Arts)“ yygfiert.
Näbe däne Stuudiegäng ibernimmt d Hoochschuel verschiideni Wyterbildigsmaaßnaame fir di Bschäftigte vu dr Bundesagäntuur fir Aarbet.
Driber uuse foorscht si in ere Vyylzaal wisseschaftlige Projäkt zur dr Teemenefälder bschäftigungsorientierti Berootig, Aarbetsmäärt un Bschäftigung. En Iiberblick zue Foorschigsprojäkt git d Homepage vu dr HdBA.
Bachelorstuudiegäng
Rund 500 Studieblätze pro Joor wäären in dr Bachelor-Stuudiegäng Aarbetsmäärtmanagement (B.A.) un Berootig fir Bildig, Beruef un Bschäftigung (B.A.) aabote. S Vollzytstuudium goot drei Joor un isch in 9 Trimeschter à 4 Moonet gliideret. Fimf Trimeschter, di sognännte Presänztrimeschter, verbringe d Studänte*ne an dr Hoochschuel. In dr vier Praktikumstrimeschter absolviere si Praktika in verschiidene Beraich vu dr Bundesagäntuur fir Aarbet. D Stuudiegäng sin interdisziplineer aaglait un umfasse Inhalt us dr Beraich Räächts-, Soziaal-, Wiirtschafts- un Erzieigswisseschafte un Psichology. Zwische dr akadeemische Trimeschter verdiefe d Studänte*ne in vier Praxistrimeschter ire Wisse, z. B. in ere Agäntuur fir Aarbet oder eme Jobcenter, in eme Bedriib, bi re Chammere oder im Uusland. Mit erfolgryychem Abschluss Stuudium wird dr Bachelor of Arts (B.A.) erwoorbe.
Masterstuudiegang
Syt Oktoober 2015 wird dr Master-Stuudiegang näb em Beruef „Aarbetsmäärtorientierti Berootig (M.A.)“ an dr HdBA aabote. In däm Stuudium chenne in fimf Semeschter 120 ECTS-Pinkt erwoorbe wääre. S Stuudium schließt ab mit em Master of Arts un bietet d Grundlaag fir e speeteri Promozioon.
An dr Hoochschuel wird in vyyl Drittmittelprojäkt un Kooperazioon[1] gfoorscht.
- Erasmus+ – EU-Projekt „Guide My W@y!“ – Europäischi Berootogskunzäpzioon fir Internazionaali Juugedmobiliteet[2]
- Erasmus+ – EU-Projekt „PrevDrop“ – Chänne un Voorbyyge vu Abbrich us dr Hoochschuelbildig un Unterstitzig vu Studänte*ne bim Wägsel in e erfolgryyce Leer[3]
- Projekt NICE – Netzwerk für Innovation in der Beratung in Europa[4]
- Beruefsintegrierti Stuudiegäng fir Wyterqualifizierig im Soziaal- un Gsundhaitswääse[5]
- Beruefligi Uusbildig vu junge duldete Flichtling z Dytschland. E Implementazioonsstuudie[6]
- Projäkt Netzwäärchkumpetänzt 2013–2015 (Nekom)[7]
- Bedriiblige Umgang mit belaschtender Aarbet. Gstaltigsaasätz us Bschäftigtesiicht (babs)[8]
- Yystellig un (Wyter-)Bschäftigung e Eltere (EBA). Maaßnaamen fir elteri Bschäftigti am Byyschpel vu Bedriib vu dr Cheemische Induschtry.[9]
- Berootigs- un Evaluazioonstool fir d Erfassig vu dr individuälle Wiirkig vu beruefliger Berootig fir dr Persoonechrais U25 (BET-U25)[10]
- Projäkt PraeLab – Berootig as innovatiivi Prevänzioon vu Uusbildigsabbrich
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
