From Wikipedia, the free encyclopedia
D Lingone (lat. Lingones; altgriech. Λίγγονες, Língones) sind en keltische Stamm gsii. De Name isch Gallisch und bidütet »Springer, Hüpfer«.
D Lingone hend a de obere Matrona (hüt: Marne) und am Arar (hüt: Saône) gsidlet. Ere Hoptort isch Andemantunnum (hüt: Langres) gsii, au Dibio (hüt: Dijon) het zu erem Piet ghört. Si hend a d Sequaner und d Senone grenzt.
Im Gallische Chrieg sind d Lingone scho Verbündeti (foederati) vo de Römer gsii[1] und hend drum nöd a de Chämpf tailgno[2]. Ane 69 n. Chr. hend si s römische Bürgerecht öberchoo[3]. Trotzdem hend si sich am Bataverufstand bitailigt[4]. Zerst hend si zu de Provinz Belgica und spöter zu de Provinz Germania superior ghört.
S Stammhailigtum vo de Lingone mit Temple und eme Kulttheater isch bi de Stadt Mediolanum (hüt: Mâlain) gsii. Dai sind de Stammgott Cicollos zäme mit de Göttin Litavis vereert wore, aber au de Sucellus, d Epona und de Apollo mit de Thirona[5]. Da Götterpaar isch underem Name Borvo und Damona im Hailbaad und Quellhailigtum vo Bourbonne-les-Bains vereert wore, wo 65 Grad haisses Wasser usem Bode sprudlet. E dritts grössers Hailigtum isch no bi de Stadt Vertillum (hüt: Vertalt) uusgrabe wore.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.