Canberra

Canberra [ˈkænbɹə]^[1] isch d Hauptstadt und die achtgrössti Stadt z Australie. Es isch die grössti Stadt im Innere vom Land und lit im Australian Capital Territory (ACT), 286 km südwestlig vo Sydney und 669 km nordöstlig vo Melbourne. Canberra isch e blaanti Hauptstadt und isch 1908 as Kompromisslöösig zur zuekümftige Hauptstadt gweelt worde wäge dr Rivalidäät zwüsche Melbourne und Sydney. Es het en internazionale Stedtebauwettbewärb gee und die australischi Regierig het dr Entwurf vom amerikanische Archidekt Walter Burley Griffin uuseglääse. D Bauarbäite häi im Joor 1913 aagfange, dr Status as Hauptstadt het Canberra am 9. Mai 1927 überchoo.

Canberra
Wappen
Staat:	Australie
Bundesstaat:	Australian Capital Territory
Gründet:	1913
Koordinate:	35° 18′ S, 149° 7′ O-35.3149.11666666667550
Hööchi:	550 m
Flechi:	805,6 km²
Iiwooner:	351.868 (2009)
Bevölkerigsdichdi:	437 Iiwooner bro km²
Zitzoone:	AEST (UTC+10)
Bostläitzaal:	2600 - 2609
Website:	www.act.gov.au
Canberra (Capital Territory) Canberra Canberra

D Struktuur vo dr Stadt basiert uf de Prinzipie vo dr Gardestadt und umfasst witlöifigi Flechene, wo mä nid aaglängt het und wo dr Canberra-Naturpark bilde. Das het Canberra dr Biinaame „Busch-Hauptstadt“ iibrocht. Dr Erst Wältchrieg und d Wältwirtschaftskrise häi d Entwicklig vo dr Stadt abbrämst, aber noch em Zwäite Wältchrieg het d Bevölkerig stark afo waggse.

As Hauptstadt isch Canberra dr Sitz vo de Verfassigsorgan vom australische Staat mit alle sine Ministerie, Verwaltige und Gricht. Die möche dr grösst Däil vom Bruttosozialbrodukt us und si au dr grösst Arbetgääber. Au e Hufe soziali, wüsseschaftligi und kulturelli Instituzioone mit nazionaler Bedütig häi iire Sitz dört. Canberra isch au e beliebts Turisteziil.

Litratuur

• Lionel Wigmore: Canberra: history of Australia’s national capital. Dalton Publishing Company, 1971. ISBN 0-909906-06-8.
• Eric Sparke: Canberra 1954–1980. Australian Government Publishing Service, 1988. ISBN 0-644-08060-4.
• Lyall Gillespie: Canberra 1820–1913. Australian Government Publishing Service, 1991. ISBN 0-644-08060-4.
• Jim Gibbney: Canberra 1913–1953. Australian Government Publishing Service, 1988. ISBN 0-644-08060-4.
• Andrew Metcalf: Canberra Architecture. Watermark Press, Wichita 2006. ISBN 0-949284-63-7
• Andrew Metcalf: Canberra - History of Australia's National Capital. Dalton Publishing Company, 1972. ISBN 0-909906-06-8
• A History of Australia's Capital, Canberra. ACT Ministry for Health, Education, and the Arts, 1990. ISBN 1-86331-049-5

Weblingg

 Commons: Canberra – Sammlig vo Multimediadateie

• Verwaltig vom Australian Capital Territory (änglisch)
• National Capital Authority (änglisch)
• Tourismus z Canberra (änglisch)
• Architektuur z Canberra (änglisch)
• Gschicht vo Canberra (änglisch)
• Dr Blaanigswettbewärb für Canberra vo 1912 (änglisch)