Eichsel
From Wikipedia, the free encyclopedia
Remove ads
Eichsle (IPA ['aɪ̯g̊slə], amtlig Eichsel) isch einer vo de Ortsdeil vo Badisch-Rhyfälde, Bade-Württeberg, Dütschland.
Remove ads
Lag
De Ortsdeil ligt nördlig vo de Rhyfälder Chernstadt uff em Dinkelberg, südwestlig vo Meisele, südlig vo Adelhuse und östlig vo Ottwange. D L139 fiehrt in Richtig Norde uff Adelhuse, Richtig Süde uff d A98, wo nit diräkt durch s Dorf dure verlauft, und uff Rhyfälde.
Eichsle isch in d zwei Ortsdeil Ober- und Nydereichsle glydert.
Gschicht
Di älteste Fünd, wo mer z Eichsle gmacht hät, sin Hünegräber uss de Friehgschicht, usserdem hät s z Nydereichsle alemannischi Reihegräber ge. Dezüe chömme Zügniss von re Besydlig durch d Römer, wo an verschydene Stelle gfunde worre sin. Di erschti Erwähnig vo Eichsle isch im Johr 1242 als Mitglyd vo de Herrschaft Rhyfälde gsi. Im 17. Johrhundert isch es zämme mit de Nochberdörfer e Grichtsbezirk worre. 1806-1809 hät s zu Büge ghört, deno zum Amt Schopfe.[1]
De Namme
De Wortdeil "-sel" goht uff e veraltets Wort "Sal" oder "Sol" zruck, wo e sumpfigi Stell bezeichnet hät. Drum hät s wahrschints friehner uff e sumpfartigi Gegend bi me Eichewald hywyse solle.[1]
Remove ads
De „Eichsler Umgang“
De Legände noch sin drei Gfolgsfraue (d Kunigunde, d Mechtunde und d Wibranda) vo de Heilige Ursula z Rappersweier gstorbe und z Eichsle beerdigt worre, deno isch an ihre Gräber e Wunder bassiert. De Bapscht hät ihri Verehrig mit re Beerdigung in de St-Gallus-Chirch praktisch "bstätigt"; sither isch immer am 3. Sunndig im Juli de Eichsler Umgang.[2]
Wappe
S Wappe zeigt e griene Eichezwyg mit zwei Blätter und re Eichle uff wißem Grund. S erinnert an de Eichewald, wo friehner z Eichsle gsi isch; mer hät s Wappe im 19. Johrhundert eso bschlosse.[3]
Sehenswürdigkeite
- St-Gallus-Chirch: In derre gotische Chirch sin d Kunigunde, d Mechtunde und d Wibranda, wo vo de Bevölkerig verehrt werre, begrabe.
- Kapelle z Nydereichsle
- Jungfrauebrunne[4]
Weblink
Einzelnochwys
Wikiwand - on
Seamless Wikipedia browsing. On steroids.
Remove ads