Gazastreifen

Dr Gasasträife (arabisch قطاع غزّة‎, DMG Qitāʿ Ġazza, hebräisch ‏רצועת עזה‎ Retzuat 'Asa) isch e Küstegebiet am östlige Middelmeer zwüsche Israel und Egüpte mit Gasa-Stadt as Zentrum. Er het öbbe 1,7 Millione Iiwooner.

Gasasträife
Basisdate
Staat	no käi Staat. Isch Däil vo de Palestinensische Autonomiigebiet
Flechi	360 km²[1]
Iiwooner	1'710'257 ([1])
Bild 1

Dr Gasasträife isch Däil vo de Palestinensische Autonomiigebiet und stoot im Innere formal under dr Verwaltig vo dr Palestinensische Autonomiibehörde.

Dr Naame „Gasasträife“ und sini geografischi Form het er noch em erste arabisch-israelische Chrieg 1948/49 bechoo, wo Israel und s Chönigriich Egüpte e Waffestillstandsabkomme underschriibe häi. Vo denn bis zum Säggsdaagchrieg 1967 isch Gasa vo Egüpte verwaltet worde. Denn isch s en isrelischbsetzts Gebiet gsi, bis dass Israel im Joor 2005 sini Drubbe äisitig abzooge het.

Sit 2007 wird dr Gasasträife vo dr islamistische Hamas regiert. Israel kontrolliert d Ussegränze im Norde und im Oste, d Gränze zum Middelmeer im Weste und im Süüde isch Egüpte verantwortlig. Au in dr Wasser- und Stroomversorgig und dr Telekommunikazioon isch dr Gasasträife nit autonom, sondern vo usländischer Hilf und vo dr Autonomiibehörde abhängig.

Weblingg

 Commons: Gazastreifen – Sammlig vo Multimediadateie

• Laila M. El-Haddad, Highest security open-air prison on earth („Ye'diot Achronot“, 25. Juli 2006 – Der Beitrag der palästinensischen Journalistin für die Website der größten israelischen Tageszeitung wird von einer sehr kontroversen Diskussion begleitet)
• Christian Sterzing: Lichtblick für Gaza Über die Grenzöffnung und die EU-Mission (die tageszeitung, 18. Novämber 2005)
• Vereinbarung über den Zugang zum Gazastreifen (PDF; 87 kB)
• Gazakonflikt.de Gazakonflikt – Politik im Nahen Osten