Liste von Ausdrücken der Bodensee-Schiffsleute

Mit Schiffsleit sind die Besatzunge vun de alte Laschtesegler (Lädi und Segi) und au uff dere motorisierte Nachfolger (Schäeff), d’Fahrgaschtschiff (Dampf- und Motorschiff), aber au d’Fischer und Sägler gmeint, wo uf em Bodesee underwägs sind. Viele seealemannische Uusdrick sind, wie de Dialekt im Allgemeine, sälte odder nimme im Gebruuch. Oft liegts au dodra, dass die spezielle Uusdrick nimme vum Schiffsmeischter odder vum Vatter zum Sohn wittergäbbe weret, sondern us de hochdeutsche Fachliteratur, die für alle Revier gilt und vun de Küschteschifffahrt und de dortige Bezeichnunge prägt isch. Dodefir soll die Lischt au dem regionale Bewahre und dem Verschtande vu alte Text diene. Die Uusdrick sind aber it ieberall gliech am See, si sind underschidlich im badische Seeteil, um Fridrichshafe, Lindau, Bregenz, Rorschach und im Thurgau.

Dialäkt: Bodeseealemannisch

Seealemannische Uusdrick und Erläuterunge

Vum See und’m Wätter

Uusdruck	Erläuterung
de See	de Bodesee
unte und obbe	unte im Weschte (Untersee, Überlingersee) und obbe im Oschte (Obersee)
Hang	de Uferberich, wo im Winter beim nidere See trocke isch
Gründ oder Haldinen	de Berich, womer no im Wasser schtande kaa
Wysse	flache, helle ("wysse") Berich zwischem Ufer und de Halde; am Obersee breit, am Überlingersee schmal
Kräb	Wysse mit Wasserpflanze, vor allem am Untersee
Halde	schteil abfallende Seegrund nach de Wysse
im blaue Wasser, Hoher See	im tiefe Seeberich nach de Halde, tiefer als 25 Meter
halber See	Seemitte
Schweb	a flache Bodewann am Rand zum Seebecke
Seebecke, tiefe Schweb	di tiefschte Schtelle im See
Berg	e Untif oder Landzung unterm Wasser (Teufelstisch)
Rain	en Berg im Untersee (Zeller Rain)
Findling	en einzelne große Schtei; isch sit de Iiszit unterm Wasser vun de Wysse
Horn, Spitz	e Landzung (Kippehorn, Rhyspitz)
Loch, Winkl	e Bucht (Fischbacher Loch, Markelfinger Winkl)
Grabe	e natürliche oder künschtliche Fahrrinn
es Wasser rinnt	d'Seeschtrömung, meischt ge Weschte
Abirus / Uffirus	es Rinne nachm längere Wescht-/Oschtwind; Winddrift
de See läuft aa und ab	de Seeschpiegl hebt und senkt sich glichmäßig
ans Glas klopfe	de Barometer z'Roat ziehe
de Luft; es luftet	de Wind; de Wind blosed
en lätze Luft	Gegewind oder en drehende Wind
weihe	wehe
verweiht	wägem zu schtarke oder lätze Luft kaa mer it usse mitm Schiff
en helle Luft	en kräftige Schäwetterwind vum Weschte her
es kunt ge saue	es kündigt sich schlächts Wätter aa
e dunkle Wand	uffziends Gwitter im Weschte
Bloascht	d'erschte Windschtoß vun em Gwitter
en Hack; es hackt	Schturm; s'isch schtürmisch
Unterluft, Weschter	Weschtwind vu unteruff
Kalter Thurgäuer	en raue Luft vu Südwescht
Ferderwisse	schäumige Wellekämm bim schtarke Wind
a Schwicke	en Windschtoß, e Bö
Oberluft, Oschter	Oschtwind: bschtändig und im Winter saukaalt
Oortpratschler, Nordprasseler	en schtarke Nordwind am Nordufer
Oortluft	Oabendthermik vum Land zum See
Seewind	Thermik aneme sunnige Morge vum See her
Überrinner	en liechte Landwind z'morge am Südufer
d'Pfäh; es pfähnet, pfähig	de Föhn: en schtarke Fallwind vum Rhytal her
d'Pfäh bläket, zähnet	de Föhn kündigt sich uffm See aa
en schtübige Pfäh	so en schtarke Luft, dasses Wasser vu de Welle schtuubet
a Gwell	hohe Welle, a Gfahr fir alle, di wo no dusse sind
a tots Gwell	de Pfä isch rum, aber's Gwell schtoht no
Seeschieße	dumpfes Grolle überm See ohne dasses gwitteret
Näblrus	treibede Näblbänk überm See
Seeruuch, de See ruuchet	nidere Dunscht uffem See wenns saukaalt isch
Seegfrörne	de ganz See isch zugfroore; sälte, zletscht 1963

• 
  Vor de Mainau siet mer d'Wysse, d'Halde und s blaue Wasser.
• 
  Die Karlsruhe bi nem helle Luft vorem Schweizer Ufer.
• 
  En Pfäh mit schtarke Gwell im Obersee.
• 
  De See ruuchet vorem Häfele vu Immeschdaad.
• 
  Bei de Seegfrörne 1963 sind sogar Auto und Flugzeug uffm Eis gsi.

Vu de Schiff am See

Uusdruck	Erläuterung
Lädi(n)	- Lädine: Rahsägler um 30 Meter lang mit flachm Bodde, hochzogne Bug und Heck; 140 t Lascht; gitts sit fascht 100 Johr nimme - Halblädine: nur 25 Meter lang und 70 t Lascht
Segi	- Segner oder Segmer: um 20 Meter lang und 30 t Lascht - Halbsegner: um 15 Meter lang und 15 t Lascht
Schäeff	oft umbaute Lädi (Holzschäeff) oder Trajekt, fir Sand oder Kies; ab 1908 mit Eiseschaal und Motor (abgeleitet von althochdeutsch scaffa = das Schiff)
Laue	e kleis, flachs Laschtschiff ohne Sägl, zum Schalte
Überschlagskahn	zum Ei- und Auslade vu de verankerte Lädinnen
Holz- und Sandschteilascht	Ladung; Holz uffe in d'Schweiz und mit Sandschtei zruck
Gundel	Fischerboot, frier mit Ruder, schpäter mit Motor
Notgundel	Rettungsboot
Vorschiff	Gundel mit vier Ruderer, die a Lädi oder en Segner schleppt
(Schiffs-) Schaal	(Schiffs-) Rumpf
schoppe	d'Schaal wird mit Pech und Hanf abdichtet
Rangen	d'Spante vu de Schaal
Grass und Wanne	Bug und Heck vu de Lädi, Segner, Schäeff und Gundel
Stabbank	e Schloafplatz in de Wanne
schalte	bei Flaute oder lätze Luft schiebt mer's Schiff mit Schaltestange uff de Wysse
asse! und vusse!	Steuerkommando: "nach links!" und "nach rechts!"
a Schwenke	wenn's Schiff d'Richtung änderet oder wendet
Steuer(-türe)	des Steuerruder, s'hängt bei de Lädi uff de link Site (Backbord, it Steuerbord!)
Ruder	zur Fortbewegung vu de Gundel ohne Motor (Riemen)
de Säglbomm	de Mascht (fescht und senkrächt!)
de Maschtbomm	hängt beweglich quär am Säglbomm und trägts Sägel (Rah)
d'Maschtbommseiler	Seiler zum Hochziehe und Richte vum Sägl
s Tuech oder de Sägl	de (Rah-)Sägl vu de Lädi oder em Segner
s Tuech umbinde	de Sägl uff d'andere Site richte
s Tuech hänge losse	beim schtarke Luft de Maschtbomm am Säglbomm tiefer hänge (reffen)
de Hohentwiel	di Hohentwiel, e Dampfschiff vu 1913, s'eizig uffm See, wo heut no fahre tuet

• 
  E nachbaute Lädi. Uff dere ka mr vu Immeschdaad us mitsägle.
• 
  E moderne klei Gundl mit Ruder und Motor.
• 
  De einzig erhaltene Raddampfer Hohentwiel fahrt ruckwärts ussm Meerschburger Hafe. Di wiis Wolk isch kei Ruuch sondern Pfiifedampf.

Im Hafe und drumrum

Uusdruck	Erläuterung
Schdedi	it befeschtigter, vu Pfähl mit Reisig und Schtei gschützte Landeplatz
Pfoahl	en dicke Pfoschte im Wasser
pfoahle	d'Pfähl reiramme oder usseziehe
am Pfoahl g'hängt	am Pfoahl feschtg'machtes Schiff
Schwebe, Bauche	Korke, Holzkreuz oder Saubloater wo de Ankerschtei drahängt
Schteg	- e kurze Kiesschteg in de Näh vu de Kisgrub zum Lade vu de Schäeff - e längere Landeschteg mit Schiffslandeschtell fird'Kursschiff an de Halde
Damm	Hafemuer mit Pfähl, wo d'Schiff aaleget
Rutsch	a schräg Muer, wo d'Lädi mit'm Grass uffe fahre kaa zum (Us-)Lade
Bähre	Schubkarre zum (Us-)Lade vum Schäff
Schiffsmeischter	Schiffsbsitzer
Schiffsmänner	d'Mannschaft
Schiffsknecht	e Schiffsmaa
Dammglonker	e Taglöhner
Laugelefuxer	en Angler am Damm oder Schteg, der en Bolle Brot am Hoake hot
Aalebock	d'Möve im Hafe und um d'Schiff
(Hafe-)Lucke	d'Hafeeifahrt
Luckemaa	de Hafemeischter
Schiffsaabinder	der am Schteg oder Damm s'Seil vum Schiff um de Pfoahl legt und d'Leut iber d'Bruck ins Schiff inne und usse gangelosst
a Häfler Schiff	dem si Heimathafe isch Friedrichshafe
e grade Kurs	des Kursschiff goaht abbe, ge Konschdanz
e uugrade Kurs	und des goaht uffe, ge Brägenz

• 
  Di gfürchtet Stadt Zürich ("Teufelsschiff") fahrt us de Konschdanzer Hafeluck.
• 
  De Schteg vu Kressbronn isch it lang und hot kei Schteghüsle.
• 
  Kiesschteg am Kippehorn vu Immeschdaad zum Lade vu de Schäeff. Uffm Schteg isch e Rollbahngleis, denäbbe e Schtedi.

Vu de Fischer und Angler

Uusdruck	Erläuterung
Weller	Wels, groß und selte
Rötele	Saibling
Kretzer, Egli	Barsch
Laugele	e klei Weißfisch als Köderfisch
Gropper oder Kropf, Grundel	suchet Kinder mit de Blächbix unter de Schtei
Hürling (1), Gangfisch (3), Renke (4), Halbfelchen oder Springer (5), Dreyer (6)	Bezeichnige vum Blaufelche in de erschte segs Joahr
Hochseefischerei	Berufsfischer mit em Patent fir de hohe See. Sie fischet mit de groß Gundl und ...
- Kluusgarn - Schwebnetz	sackähnlige Netzwand, di vu beid Site gliichzittig eigholt wird e eifach Netzwand, hängt an Korke (Bauche) in 30 Meter Tiefe, bis drei Kilometer lang
Ufer- und Haldenfischerei	Berufsfischer mit em Patent bis zur Halde. Sie fischet mit de klei Gundl und ...
- Bodenetz - Spannsätz - Segi, Haldewatt - klei Landwatt - Schöpf-Behre (Hamen) - Reuse - Legangle	eiwandige verankerte Netz, di vu de Wasseroberfläch bis zum Grund reichet zwei Meter hohe verankerte Netzwänd, di bis 25 Meter tief überm Grund hänget e groß Rundnetz mit em Sack; wird vunem schtarke Boot zoge und am Land gleeret wie d'Segi, wird aber zerscht mit de Gundl dusse gsetzt und vum Land herzoge Schöpfnetz im Reif anem Schtiel walzeförmige Rutekörb mit em Trichter am End wie e Fall fir'd Fisch Angelschur mit aagreihte Köder; als Grundangel fir'd Aal oder Schwebangel obbe
Schweber	Schportangler, di mit de Schwebschnur vu de Gundl aus angle

• 
  En Hangener Berufsfischer kontrolliert noch de Arbed uffm hohe See no d'Reuse vorem Ufer.

Literatur

• Theodor Lachmann: Überlinger Sagen, Bräuche und Sitten mit geschichtlichen Erläuterungen. Ein Beitrag zur Volkskunde der badischen Seegegend. Verlag von Ernst Ackermann, Konstanz 1909. Nachdruck ISBN 3 487 06872 9
• Otto Mallaun: Bodensee-Handbuch der Touristik und Schiffahrt für Schiffsführer, Segler, Motorbootfahrer und Ruderer. Otto Mallaun Eigenverlag, Bregenz 1934 und erweiterte Neuauflage Rosgarten Verlag Konstanz 1960.
• Heimatverein Immenstaad (Herausgeber): Immenstaader Heimatblätter Heft 1 und Heft 13

Lueg au

• Bodesee