Nottwil

Nottu (amtl. Nottwil) esch en politischi Gmeind im Kanton Lozärn i de Schwiz.

Nottu
Wappe vo Nottu
Basisdate
Staat:	Schwiiz
Kanton:	Lozärn (LU)
Wahlchreis:	Soorsiw
BFS-Nr.:	1094i1f3f4
Poschtleitzahl:	6207
Koordinate:	652998 / 22068147.1349958.137222526
Höchi:	526 m ü. M.
Flächi:	10,33 km²
Iiwohner:	4091 (31. Dezämber 2022)[1]
Website:	www.nottwil.ch
Charte
Charte vo Nottu www

Geographi

Nottu liid am Westufer vom Sempachersee, de Haupteil liid am Bärg. De gröschti Teil vo de Bevölkerig wonnt unde im Dorf, ned wiit ewägg vom See. Zo de Gmeind ghöret ou no d Wiiler Oberei (549 m.ü.M.), Ei (528 m.ü.M.), Büel (587 m.ü.M.), Meiebach (508 m.ü.M.) ond Eggerschwil (517 m.ü.M.). Vo dr Gmeindsflächi send 77,8 % landwirtschaftlech gnotzt, 8,9 % send Waud, 12,6 % Sedligsflächi ond 0,7 % anderi Flächene.^[2] Nottu gränzt im Norde a Oberchöuch, im Oschte a Budishouz und im Norde a Ruusmu und Sämpech.

Gschicht

I de nööchi vo Iflike händ Buure 1881 i de Ruine vom ene römische Guetshof e wonderbare Vierfuess ond anderi schöni römischi Gägeständ gfonde.

Nottu werd zom erschte Mou 1217/21 aus Notewile bezeichnet.

Bevöukerig

Quälle: Bundesamt für Statistik 2005^[3]

Jahr	1850	1860	1870	1880	1888	1900	1910	1920
Iiwohner	1212	1107	1049	1001	931	928	1072	1102
Jahr	1930	1941	1950	1960	1970	1980	1990	2000
Iiwohner	1115	1141	1185	1250	1340	1538	2078	2682

Ab 1850 send rond en Viertu vo de Lüt wäg de Industrialisierig abgwanderet. Auerdengs esch d Bevölkerig ab 1900 weder massiv agstege (+ 15 %), bis 1970 isch d Bevölkerig langsam wiitergwachse. Doch sit denn gods weder sehr stark (1970-2004 + 107 %) döruf. De Uusländeraateil esch 2014 bi 10,8 % gläge.^[2]

Sproche

Bi de Voukszählig 2000 hend vo dr 2682 Iiwohner 92,8 % Düütsch aus Houptsprach aagää, 0,5 % Französisch, 1,5 % Italienisch ond 5,2 % en anderi Sprach.^[2]

Z Nottu redt mer s hochalemannisch Lozärntütsch.

Religion

Öber 3/4 vo de Iwohner vo Nottu send römisch-katholisch, 11,5 % send evangelisch ond 2 % Muslime. 5,6 % send konfessionslos.

Nationalitäte

Z Nottu läbed 87,81 % Schwizer ond 9,9 % Usländer.

Politik

Bi de Nationauraatswahle 2015 hät s das Ergebnis gää:^[2] BDP 1,8% , CVP 25,6% , FDP 17,7% , GLP 5,8% , GP 5,2% , SP 8,6% , SVP 29,4% , anderi Parteie 5,8%.

De Gmeindspräsident vo Nottu esch de Walter Steffen (Stand Februar 2016).

Wirtschaft

D Arbetslosigkeit esch im Jahr 2011 bi 1,8 % gläge.^[2]

Bsundrigs

Z Nottu stood sit 1990 s Schwizer Paraplegiker-Zentrum.^[4] Au die Schwizer Paraplegiker-Vereinigung^[5] esch i de Gmeind. Aafangs Oktober 2005 isch z Nottu au s «Guido A. Zäch Institut» (GZI) eröffnet worde.^[6]

Literatur

• Adolf Reinle: Die Kunstdenkmäler des Kantons Luzern, Band IV: Das Amt Sursee. (= Kunstdenkmäler der Schweiz. Band 35). Hrsg. von der Gesellschaft für Schweizerische Kunstgeschichte GSK. Bern 1956, ISBN 978-3-906131-23-8.

Weblink

 Commons: Nottwil – Sammlig vo Multimediadateie

• Offizielli Website vor Gmeind Nottu
• Gmeindsprofil uf de kantonale Website
• Waltraud Hörsch: Nottwil. In: Historisches Lexikon vo dr Schwiiz.