Pfeffingen BL
From Wikipedia, the free encyclopedia
Remove ads
Pfäffige, amtlig Pfeffingen, isch e politischi Gmeind im Bezirk Arlese im Kanton Basel-Landschaft in dr Schwiiz.
| S BL im Lemma isch s offiziell Chürzel vom Kanton Basel-Landschaft und wird bruucht, zum Verwächslige mit Yträäg vom Name Pfeffingen vermyde, wo öppis anders meined. |
Remove ads
Geographii
Pfäffige lit am südligsten Ändi vom Birsegg am Nordhang vom Blaue uf 392 m ü.M. D Nochbergmeinde si Aesch, Ettige, Blaue, Aenzlige, Grellige und Duggige. D Flechi vom Gmeindigebiet bedräit 489 Hektare, drvo si 52% Wald, 33% Landwirtschaftsflechi, 14% Siidlige und 1% umbroduktivi Flechi.
Wappe
Silbrige Undergrund, e blaue waagrächte Balken mit ere ufgsetzte halbe Lilie. Das isch s Wappe vo de Edelchnächt Wider gsi, wo im 14. und 15. Johrhundert d Herrschaft Pfäffige verwaltet hai.
Bevölkerig
42% vo dr Bevölkerig si römisch-katholisch, 31% reformiert. Dr Usländeraadeil bedräit 9,7%.
Politik
Gmeindipräsidentin isch d Maya Greuter-Völkle (Stand 2010).
Verchehr
D Gmeind isch dur d BLT-Buslinie 65 mit dr Wändischlaufe vo dr Drämlilinie 11 z Aesch und mit em Bahnhof Dornach-Arlese an dr S-Bahnlinie 3 und dr Drämlilinie 10 verbunde.
Sehnswürdigkeite
- D Ruine Pfäffige us em 12. Johrhundert
- D Burgruine Schalberg, Münchsberg und Ruine Aengestei
- Die Katholischi Chille St. Martin, e gotischi Chille us em 14. Johrhundert
D Chille
D Ruine Pfäffige
Literatur
- Hans-Rudolf Heyer: Die Kunstdenkmäler des Kantons Basel-Landschaft, Band I: Der Bezirk Arlesheim, mit Kantonseinleitung. (= Kunstdenkmäler der Schweiz. Band 57). Hrsg. von der Gesellschaft für Schweizerische Kunstgeschichte GSK. Bern 1969
- Heimatkunde Pfeffingen. Hrsg. Einwohnergemeinde Pfeffingen, 2011
Weblingg
Fuessnote
Wikiwand - on
Seamless Wikipedia browsing. On steroids.
Remove ads