Planken

Planka (amtlich Planken) isch di klinscht Gmänd vu Liachtastä und lit ober Schaa. Si ghört no zum Oberland. Bekonnt worre isch s duerch d Ski-Olympiasiegerin Hanni Wenzel.

Planken
Wappa vo Planken
Basisdata
Staat:	Fürschtetum Liechtestaan
Wahlkreis:	Oberland
Gmoandsummere:	7006
Poschtloatzahl:	9498
Koordinate:	759588 / 22820847.1855529.544446
Höhi:	786 m ü. M.
Flächi:	5.3 km²
Iiwohner:	479 (30. Juni 2020)[1]
Bevölkerigsdichti:	90.4 Iiwohner pro km²
Uusländeraatoal:	26,6 % (30. Juni 2017)[2]
Website:	www.planken.li
Karte
Lage der Gemeinde Planken im Fürstentum Liechtenstein (anklickbare Karte)

Dialäkt: Liechtestänisch

Geografi

Planka lit uf ra Terrasse über em Rhiital unter em Drei-Schwestra-Massiv.

Gschicht

Dr Dorfname Planke wird vom romanische Wort plaunca abgleitet, wo mit Halde übersetzt wird. Die romanischi Bevölkerig us Schaan und Vaduz het s Gebiet vom hütige Dorf nämlig schon grodet gha, bevor d Walliser vermuetlig gege s Ändi vom 13. Johrhundert dört iigwanderet si und no wiiteri Fleche an de obere Bärghäng grodet hai. Die ersti urkundligi Erwähnig vo Planke isch für s Johr 1361 als Planken dokumentiert. Zwei grossi Chriegsplünderige het s Dorf erlitte: 1499, wo d Eidgenosse über Planke nach Frastanz marschiert si, wo si am 20. April dr Schwöbisch Bund besiigt hai, und 1799 vo de Franzose, nochdäm si die kaiserlige Truppe vertriebe hai, wo z Planke iiquartiert gsi si.

1868 isch Planke an s Strossenetz agschlosse worde, so dass au grossi Fuehrwärk ins Dorf hai könne ko, und es nit nume meh über Trampelpfad het könne erreicht wärde. Noch eme Grossbrand vo 1869 het s e starki Abwanderig ge. So het s Dorf 1901 nume no 56 Iiwohner gha. Mit dr Grundzämmelegig 1961-1981 und ere verbesserete Infrastruktur het sich d Lag vo Planke wider besseret.

Der esoterischi Poet Martin Smyrk het im 19. Johrhundert z Planke gläbt.

Bevölkerig

Johr	1812	1852	1901	1950	2000
Iiwohner	135	157	56	110	355

Politik

Gmeindevorstehar isch dr Rainer Beck (VU).

Religion

Vo dr 367 Iiwohner sin im Johr 2000 76,8 % römisch-katholisch gsii und 9,5 % evangelisch-reformiert.^[3]

Sehenswiirdigkeite

• hischtorischi Walser-Hiiser
• Josefskapell (1768)

Weblink

 Commons: Planka – Sammlig vo Multimediadateie

• Offizielle Internetsita vo dr Gmänd Planka
• Ulrike Mayr, Oliver Stahl: Planken. In: Historischs Lexikon vom Förschtatum Liachtastaa.
• Arthur Brunhart: Planken. In: Historisches Lexikon vo dr Schwiiz.