Sandra Detzer

D Detzer het an dr Ludwig-Maximilians-Universiteet z Minche Bolitikwisseschaft un Volkswirtschaftsleer studiert. An dr Universiteet Haidelberch het si zum Theema fiskaalischi Dezäntralisierig in Bundesstaate promoviert. Im Aaschluss het si as wisseschaftligi Mitarbaiteri am Lehrstuel vum Uwe Wagschal zue Budgetkonsolidierig gschafft. In dr Bolitik het d Detzer zeerscht fir dr Uusschuss vu dr Regioone im Staab vum Generaalsekreteer z Brüssel gschafft, voreb si as Huushaltsreferänti fir di Grien Bundesdaagsfrakzoon z Berlin aafange het schaffe. Vu 2011 bis zue ire Waal zur Landesvorsitzeri het d Detzer as barlemäntaarischi Berooteri fir Finanze un Wiirtschaft z Stuegert gschafft.

Anne 2014 isch d Detzer in Gmairoot vu dr Stadt Haidelberch gweelt woore, si isch bis 2019 Mitgliid im Gmairoot gsii. Bi dr Euroopaweel 2014 het si uf Blatz 19 vu dr griene Lischt fir s Europäisch Barlemänt kandidiert.

Am 19. Novämber 2016 isch si mit 73,8 % vu dr Stimme uf em Barteidaag z Gmẽẽd zur Landesvorsitzeri vu dr Griene z Baade-Wiirtebäärg gweelt woore, zwai Joor speeter, uf em Barteidaag am 21. Septämber 2019, isch si mit 90,9 % vu dr Stimme bsteetigt woore.^[1]

Bi dr Bundesdaagswaal 2021 het si fir di Griene im Waalkrais Ludwigsburg un uf Blatz Platz 3 vu dr baade-wiiretbäärgische Landeslischt kandidiert, si isch druf iber d Landeslischt in Bundesdaag yyzooge. Bi dr Bundesdaagswaal 2025 isch si wieder iber d Landeslischt in Bundesdaag yyzooge. Deert isch si Obfrau un Oordeli Mitgliid im Uusschuss fir Wiirtschaft un Energy un stellverdrättend Mitgliid im Uusschuss fir d Aagläägehaite vu dr Europäische Union.

Lääbe

Weblink

Fueßnote

Wikiwand - on