Schenkon

Schänke esch en politischi Gmeind im Wahlchreis Sorsi vom Kanton Lozärn i de Schwiz.

Schenkon
Wappe vo Schenkon
Basisdate
Staat:	Schwiiz
Kanton:	Lozärn (LU)
Wahlchreis:	Sorsiw
BFS-Nr.:	1099i1f3f4
Poschtleitzahl:	6214
UN/LOCODE:	CH SEN
Koordinate:	652939 / 22500547.1738838.136952522
Höchi:	522 m ü. M.
Flächi:	6,76 km²
Iiwohner:	3076 (31. Dezämber 2022)[1]
Website:	www.schenkon.ch
Charte
Charte vo Schenkon ww

Geografii

Schänke lit am nordöschtläche Ändi vom Sämpachersee öschtläch vo Sorsi. S Dorf ond d Ortsteile Gröiu und Zäufäud im Nordwäschte send inzwösche zämegwachse. Am Hang a dr Stross Sorsi-Möischter 1 km nördläch vom Dorf esch inzwösche dr Ortsteil Tannbärg entstande. Öschtläch dervo lit dr Wiler Tann. Es git no zöwi witeri Wiler, wo zu Schänke ghörid: Zopfebärg ond Zouhus.

Nachbärgmeinde

Schänke gränzt a Eich, Göiesee, Gunzbu ond Sorsi.

Gschecht

Blick uf Schänke und dä Sämpachersee

D Worzle vo Schänke gönd zrögg bes zo de Pfahlbouer am Sämpachersee. Dr Ort werd als Scenchofen zerste mol 1173 orkondlich erwähnt im Zämehang mettem Chorherrestift Möischter. Spöter esch Schänke ad Habsburger öbergange und Teil vom Michelsamt worde.

Bevölkerig

Quälle: Bundesamt für Statistik 2005^[2] Ändi 2005 het Schänke 2'471 Iwohner gha. Sit 1970 het sech d Bevölkerig meh als verdrüfacht. D Grönd ligged im Bou vo de Outobahn A2, de sehr tüüfe Stüre ond dä ländläche Lag. Dr Uusländeraateil esch 2014 bi 5 % gläge.^[3]

Jahr	1850	1860	1870	1880	1888	1900	1910	1920
Iiwohner	671	670	622	649	617	572	590	604
Jahr	1930	1941	1950	1960	1970	1980	1990	2000
Iiwohner	578	630	686	756	701	1154	1667	2104

Religion

80,9 % vo dr Iiwooner send im Jahr 2000 römisch-katholisch gsii, 10,9 % evangelisch-reformiert.^[3]

Politik

Bi dr Nationauraatswahle 2015 hät s das Ergebnis gää:^[3] BDP 1,0% , CVP 27,1% , FDP 22,4% , GLP 4,3% , GP 4,6% , SP 7,9% , SVP 29,4% , Süschtigi 3,4%.

Dr Gmeindspräsident vo Schänke esch dr Patrick Ineichen (Stand Februar 2016).

Wirtschaft

D Arbetslosigkeit esch im Jahr 2011 bi 1,2 % gläge.^[3]

Vercher

D Gmeind esch döre Aschloss ad Poschtoutolinie Sorsi-Schänke-Eich-Sämpech Station ond d Buslinie Sorsi-Schänke-Möischter guet as Netz vom öffentläche Vercher agschlosse.

S Dorf Schänke lit a dr Houptstross Sorsi-Sämpech. Dr Ortstöu Zäufäud esch zuesätzläch no a de Stross Sorsi-Möischter. Der nöchscht glägenig Outobahnaschloss ad A2 esch 2 km entfärnt ds Sorsi.

Sprach ond Dialäkt

Bi dr Volkszellig 2000 hend vo dr 2104 Iiwohner 96,4 % Dütsch aus Houptsprach aagää, 0,2 % Französisch, 0,6 % Italienisch ond 2,8 % anderi Sprache.^[3]

Z Schänke redt me s hochalemannisch Lozärntütsch.

Weblink

 Commons: Schänke – Sammlig vo Multimediadateie

• Offiziöui Website vo de Gmeind Schänke
• Waltraud Hörsch: Schenkon In: Historisches Lexikon vo dr Schwiiz.