Feusisberg
Gmeind i de Schwiiz From Wikipedia, the free encyclopedia
Remove ads
Föüsisbèèrg (amtlich Feusisberg) isch e politischi Gmeind im Bezirk Hööf vum Kanton Schwyz i de Schwyz. Zu Feusisberg ghöred au d Ort Schindellegi und Biberbrugg.
| Dialäkt: Züridütsch (See) |
Remove ads
Wappe
Di beide Rabe im Wappe erinnered a d Einsidler Saag vom Meinrad vo Einsidle (Mönch, † 861). Di wiisse Jakobsmuschle symbolisiered de hailig Jakob d. Ä., de Chilepatron vo Föüsisbèèrg.
Geographii
D Gmeind Föüsisbèèrg befindet sich uf ere Höheterrasse am Etzel. Am Iischnitt wo d Sihl sich zwüsched Etzel und Höhrone gschaffe hät liit dr Ort Schindellegi. Es Drittel vo dr Gmeindflächi isch bewaldet.
Föüsisbèèrg fo de Straass vo Pfäffikä her gsee
Landwirtschaft im Berggebiet vo Föüsisbèèrg über em Zürisee
S Dorf Schindellegi
Iiwoner
Quälle: Bundesamt für Statistik 2005[2]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Iiwoner | 991 | 1050 | 1121 | 1241 | 1348 | 1276 | 1348 | 1534 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Iiwoner | 1573 | 1627 | 1654 | 1761 | 2173 | 2829 | 3157 | 3779 |
Dr gröschti Teil vo dr Bevölkerig wohnt in Schindellegi. Dur di gueti Verchehrsverbindige uf Züri, Rapperschwiil und Schwyz lebed au viili Pendler i dr Gmeind Föüsisbèèrg. De Uusländeraateil isch 2010 bi 21,7 % gläge.[3]
Religion
62 % vu de Iiwoner sind im Jaar 2000 römisch-katholisch gsii, 20,7 % evangelisch-reformiert.[3]
Spraach u Tieläkt
Bi de Volchszellig 2000 hend vu de 3779 Iiwoner 91,1 % Tüütsch als Hauptspraach aaggää u 8,9 % anderi Spraache.[3]
De Tieläkt vu Föüsisbèèrg ghöört zum Höuchschtalemannisch.
Wirtschaft
Im Ort Schindellegi händ sich bereit im 19. Jahrhundert e Schpinnerei und anderi vo dr Wasserchraft vo dr Sihl abhängigi Firme aagsidlet. Entlang vom Flusslauf isch so es chliises Induschtriegebiet entschtande, wo sich hüt verschideni Gwerbbetriib iimieted. Us schtüürliche Gründe händ au Groossfirme de Hauptsitz uf Schindellegi verleit.
Gschicht
Di schtrategisch Laag vom Ort Schindellegi am nordöschtliche Zuegang zur Innerschwiiz und em Sattel hät sich vom Mittelalter bis is 20. Jahrhundert uf d Gschicht vo dr Gmeind uusgwürkt. Dr Ort liit uf em Jakobsweg und isch i dr Vergangeheit en Durchgangsort für d Pilger uf Santiago de Compostela gsii.
Dr Ort Schindellegi wird als Schindel-Lagerplatz 1220 erschtmals erwähnt. Im 13. Jahrhundert wird Feusisberg als "Uffenberge" erwähnt. Dr Name vom Ort (im 16. Jahrhundert "Fessiskilch" gschribe) leitet sich vom Gschlecht vo de «Feusi» ab.
Im alte Zürichrieg zwüsched 1439 und 1450 wird Schindellegi zweimal dur Truppe bsetzt. S gliiche passiert während de beide Kappelerchriege 1529-1531 dur d Schwyzer.
1620 reglet dr Schindellegi-Brief de Wareverchehr dur de Übergang uf Sattel.
Wiiter Bsetzige vo Schindellegi i de Villmergerchriege 1656-1712. Di französische Truppe verwüeschted Föüsisbèèrg und Schindellegi i de Jahre 1798-1799.
Us de Dörfer Föüsisbèèrg und Schindellegi wird 1848 d Gmeind Föüsisbèèrg ggründet. Mit em Bau vom Kurhuus Feusisgarte 1857-1858 und ere Baumwullschpinnerei i Schindellegi 1869 überchunnt d Wirtschaft en gwüsse Uufschwung, wo 1877 dur de Aaschluss vo Schindellegi a d Isebahnschtrecki Wädischwiil-Einsidle no verschtärcht wird.
Bim Bau vom Reduit werded vo 1939 bis 1945 schtarchi Befeschtigige im Gmeindsgebiet aagleit.
Föüsisbèèrg isch dr Uufenthaltsort vo dr Schwiizer Fuessball-Nationalmannschaft vor ere Europa- oder Weltmeischterschaft.
Remove ads
Bilder
D Pfarrchile Sankt Anna z Schindellegi
Di katholischi Chilä vo Föüsisbèèrg
Innäaasicht vo dä Chilä vo Föüsisbèèrg
D Sunnänuur uf äm Pfarrhuus
Weblink
Fuessnote
Wikiwand - on
Seamless Wikipedia browsing. On steroids.
Remove ads