Sechstagekrieg

Der Säggsdagchrieg oder Junichrieg (arabisch حرب الأيام الستة‎ ḥarb al-ayyām as-sitta, hebräisch מלחמת ששת הימים milchémet schéschet haJamim) zwüsche Israel und de arabische Staate Egüpte, Jordanie und Sürie isch vom 5. bis zum 10. Juni 1967 gange. Er isch e Däil vom Komflikt im Nooche Oste und isch noch em Israelische Unabhängigkäitschrieg (1948) und dr Sueskrise (1956) dr dritt Arabisch-Israelisch Chrieg gsi.

Säggsdaagchrieg
Deil vo: Komflikt im Nooche Oste
Datum 5.–10. Juni 1967 Ort Nooche Oste Casus belli egüptischi Blockade vo dr Meerängi vo Tiran Usgang israelische Siig Folge israelischi Erooberig vom Gasasträife und dr Sinai-Halbinsle vo Egüpte, vom Westjordanland mit Ostjerusalem vo Jordanie und vo de Golan-Hööchene vo Syrie
Konfliktparteie
Israel Israel Understützt vo: Vereinigte Staaten Vereinigti Staate	Agypten 1972 Ägypten Jordanie Syrien 1963 Syrien Understützt vo: Irak Kuwait Kuwait Algerie Algerie Saudi-Arabie Sowjetunion Sowjetunion PLO
Befählshaber
Israel Jitzchak Rabin Israel Mosche Dajan Israel Uzi Narkiss Israel Israel Tal Israel Avraham Joffe Israel Matti Peled Israel Mordechai Hod Israel Ariel Scharon	Agypten 1972 Abd al-Hakim Amer Agypten 1972 Abdul Munim Riad Jordanie Zaid ibn Shaker Jordanie Asad Ghanma Syrien 1963 Hafiz al-Assad Irak Abd ar-Rahman Arif
Truppesterki
Israel Israel:[1][2] 264.000* bis 275.000** Soldaten 800 Panzer 300* bis 400** Flugzeuge[1]	Agypten 1972 Ägypten:[1][2][3] 240'000* bis 260'000** Soldate 1200 Panzer 400** bis 500* Flugzüüg Jordanie:[1][2][3] 50.000 Soldate 200 Panzer 28** bis 50* Flugzüüg Syrien 1963 Syrien:[1][2][3] 50.000 Soldaten 400 Panzer 100** bis 120* Flugzüüg Irak:[1] 10.000 Soldaten[4][5] Kuwait Kuwait:[1] 5.000 Soldate 24 Panzer 9 Flugzüüg (mobilisiert, häi nid iigrife)[3] Algerie Algerie:[6] e baar Soldate und Flugzüüg (mobilisiert, häi nid iigrife)[3] Saudi-Arabie:[1] 50'000 Soldate 100 Panzer 20 Flugzüüg (in Südjordanie stazioniert, häi nid iigrife)[7] Sowjetunion Sowjetunion:[1] Militärberater
Verlust
Israel 679[3] bis 766** Dooti[8], 2'563 Verwundeti[9][3] Vereinigte Staaten34 US-Soldate döötet und 172 zum Däil schwer verletzt	öbbe 20'000** bis 35'000 Dooti* und Verwundeti, doodrvo öbbe 8'000[9] bis 11'500[3] bzw. 20'000 Egüpter[10], 6'094[3][9] dooti und 762[9]verletzti Jordanier, 145[9] bis 1'000[3]tote und 1898[9] verletzti Sürer 35 döödeti sowjetischi Milidäärberooter[11]

Dr Chrieg isch usglööst worde, wil d Egüpter die internazionali Stroos vo Tiran für die israelischi Schifffaart widerrächtlig gspert häi, dr Nasser d UNEF-Drubbe zwunge het vom Sinai abzzie und 1000 egüptischi Panzer und fast 100'000 Soldate an dr Gränze vo Israel het lo ufmarschiere.

D Regierig vo Israel het vor eme Aagriff vo de arabische Armeä an drei Fronte müesse Angscht haa und het dorum dr eigete Armee befole, am 5. Juni mit eme Brewentivschlaag vo dr israelische Luftwaffe die egüptische, sürische und jordanische Luftwaffebasene uszschalte; das isch glunge und die meischte findliche Flugzüg sind kabut gmacht worde.

Jordanie, wo am 30. Mai 1967 e Verdäidigungsverdraag mit Egüpte abgschlosse het, het drufabe Westjerusalem und Netanja aagriffe. Die sürischi Armee het vo de Golan-Hööchine uus s Jordantal agriffe und vo obe mit dr Artillerii uf die israelische Döörffer abegschosse.

Israel het bi sine Agriff in e baar Dääg a de verschidene Fronte alli arabische Drubbe gschlaage und am Ändi vom Chrieg dr Gasasträife, d Sinai-Halbinsle, d Golanhööchene, s Westjordanland und Ostjerusalem kontrolliert. Dr Usgang vo däm Chrieg het Iifluss uf d Geopolitik vo dr Region bis zum hütige Daag.

Litratur

• William Stevenson: Werft sie ins Meer. Der Krieg der 100 Stunden. Israels Kampf um seine Existenz. 3. Uflaag. Heyne, München 1967.
• Shlomo Aronson: Israelische Atomwaffen und der Sechs-Tage-Krieg von 1967. In: VfZ. 52, 2004, S. 245–279.
• Jeremy Bowen: Six Days – How the 1967 war shaped the middle east. Simon & Schuster, London 2003, ISBN 0743230957.
• Randolph S. und Winston S. Churchill: … und siegten am siebenten Tag. Scherz, Bern, Münche 1967 (Originaltitel: The Six Day War).
• Michael Oren: Six Days of War: June 1967 and the Making of the Modern Middle East.
• Tom Segev: 1967 – Israels Zweite Geburt. Siedler, Münche 2007, ISBN 3-88680-767-3 oder Bundeszentrale für politische Bildung, Schriftenreihe Band 635.
• Ernst Trost: David und Goliath. Die Schlacht um Israel 1967. Molden, Wien 1967.

Weblingg

 Commons: Säggsdaagchrieg – Sammlig vo Multimediadateie

• Ausbruch des Sechstagekriegs uf kalenderblatt.de
• Sechs-Tage-Krieg. Der Sieg, der keiner war uf dr Website vo Der Spiegel
• "Six Days that Changed the Middle East" BBC-Radiosändig in vier Däil mit Originaldöön (änglisch)
• Six-Day War in der MSN-Encarta (änglisch)
• Überfall uf d USS Liberty us dr Sicht vo Überlääbende (änglisch)
• Dr Säggsdaagchrieg us israelischer Sicht, israelischs Usseministerium (änglisch)