Thur (Schweiz)
en Fluss i de Ostschwiz From Wikipedia, the free encyclopedia
Remove ads
D Thur (IPA: tu:r) isch nebet em Rhii de längst Fluss i de Ostschwiz.
 |
Dä Artikel behandlet de Fluss Thur i de Ostschwiz. För witeri Bedütige lueg bi Thur. |
De Name Thur werd uf die indogermanisch Wortwurzle dhu- "haste, pressiere" zruggfüert.
D Thur entspringt im Obertoggeburg bi Wildhuus (Wildhuser Thur) und Unterwasser (Säntisthur), wobi sich die baide Flüssli bi Unterwasser verainiget. Bikannt sind die imposante Thurwasserfäll vode Säntisthur bi Unterwasser. D Thur flüsst im Oberlauf dur s Toggeburg und im Unterlauf dur de Kantoo Thurgau, wo noch dem Fluss benennt isch.
Die wichtigste Nebeflüss sind de Necker vom Oste, wo bi Lütischborg i d Thur ine flüsst, denn chunnt vo Süde her d Glatt bi Oberbüre. Z Bischofszell flüsst den d Sittere i d Thur und denn no bi Frauefeld d Murg, wo ide Römerzit d Grenze zwüschet de Provinze Gallie und Rätie bildet het. D Thur selber flüsst bi Ellike in Rhii.
Vo de Quele vo de Säntisthur bis zude Mündig in Rhii ine messt d Thur öpe 130 km, devo sind 68 km im Kantoo Sanggale, 42 km im Kantoo Thurgau und die unterste 19 km im Kantoo Züri.
Remove ads
Nebeflüss vo de Thur
- D Wissthur (bi Stai)
- D Lutere (bi Noi Santihann)
- De Diepfurterbach (bi Diepfert)
- De Negger (bi Lütischborg)
- De Gonzebach (bi Lütischborg)
- D Uze (bi Niderozwil)
- D Glatt (bi Oberbüre)
- D Settere (bi Sitterdorf)
- De Giesse (bi Amlike-Bissegg)
- De Chemibach (bi Pfy)
- D Murg
D Thurfäll bi Unterwasser
Literatur
- Markus Hostmann. 2009. Befreite Wasser: Entdeckungsreisen in revitalisierte Flusslandschaften der Schweiz. Zürich 2009, Rotpunktverlag
Weblink
- Hans Büchler: Thur. In: Historisches Lexikon vo dr Schwiiz.
- De Pegel z Andelfinge
 |
Dä Artikel basiert uff ere fräie Übersetzig vu dere Version vum Artikel „Thur_(Rhein)“ vu de dütsche Wikipedia. E Liste vu de Autore un Versione isch do z finde. |
Wikiwand - on
Seamless Wikipedia browsing. On steroids.
Remove ads