Valsot

Valsot (Ussprooch: [vɐlˈsɔt]) isch da Name vonare politische Gmaind im Underengadin, em nordöstlichsta Tail vom Kanton Graubünde. Si isch am 1. Januar 2013 us da ehemoliga Gmainde Ramosch und Tschlin entstande und ghört zur Region Engiadina Bassa/Val Müstair.

Valsot
Wappe vo Valsot
Basisdate
Staat:	Schwiiz
Kanton:	Graubünde (GR)
Region:	Engiadina Bassa/Val Müstairw
BFS-Nr.:	3764i1f3f4
Poschtleitzahl:	7556 Ramosch 7557 Vnà 7558 Strada 7559 Tschlin 7560 Martina
Koordinate:	824607 / 19112546.8333310.383341236
Höchi:	1'236 m ü. M.
Flächi:	158,95 km²
Iiwohner:	826 (31. Dezämber 2022)[1]
Website:	www.valsot.ch
Charte
Charte vo Valsot ww

Gschicht

Ursprünglich hätti da Name vo dr neue Gmaind Ramosch-Tschlin sölle haisse; denn isch aber d Bezeichnig Valsot agnoo worde. Am 24. Oktober 2011 händ dänn dia baida Gmaindsversammlige ame Fusionsvertrag zuagstumma, z Ramosch mit 123 Stimme derfür und 0 dergäge und z Tschlin mit 107 Jo- und 79 Nai-Schtimme. Im April vom druf folganda Joor hät da Bündner Grossi Root das Projekt Valsot gnemiget.^[2] S Wappe vo da neua Gmaind isch a Mischig us baidna bisheriga Wappa.^[3] Zum erschta Gmaindspresident isch da Victor Peer gwählt worda.^[4]

Geografii

Da gröscht Tail vor Gmaind lit im Underengadin und wird dur da Inn durflossa. En klinna Gmaindstail isch a Enklava ännet de Bärge im Fimbertal, wo i die öschtriichischi Gmaind Ischgl uslauft. Uf em Gebiet vor Gmaind sind näbscht da Dörfer Ramosch und Tschlin au no d Wiiler Vnà, Seraplana, Raschvella, Strada, Chaflur, Sclamischot, Vinadi, Pfandshof und Martinsbruck, wo es Zollamt isch. D Gmaind gränzt döt a Nauders z Öschtriich und an Vinschgau z Italie.

Bi Martinsbruck isch es Wasserchraftwärch am Inn.

Im Norde gränzt Valsot a d Gmaind Samnaun, im Südweschte a Schuls.

Weblink

 Commons: Valsot – Sammlig vo Multimediadateie

• www.valsot.ch
• Redaktion: Valsot. In: Historisches Lexikon vo dr Schwiiz.
• Paul Eugen Grimm: Martina. In: Historisches Lexikon vo dr Schwiiz.