1 Pegasi (1 Peg)[9] ye una estrella na constelación de Pegasu de magnitú aparente +4,09. Formó parte de l'antigua constelación de Tigris, güei refugada. Alcuéntrase a 156 años lluz del Sistema Solar,
1 Pegasi ye una xigante naranxa de tipu espectral K1III.[9] Tien una temperatura efectivo de 4671 ± 24 K[10] y ye 60 vegaes más lluminosa que'l Sol.[11] El so radiu ye 12 vegaes más grande que'l diámetru solar y xira sobre sigo mesma con una velocidá de rotación proyeutada de namái 1,2 km/s.[12] Presenta una metalicidá —bayura relativa d'elementos más pesaos que l'heliu— inferior a la solar ([Fe/H] = -0,14).[13] Tien una edá envalorada de cuasi 4000 millones d'años y la so cinemática paez corresponder a la d'un miembru de la «corriente d'Hércules»;[13] ésti ye un grupu grande d'estrelles nes cercaníes del Sistema Solar que la so velocidá de rotación en redol al centru galácticu difier significativamente de la que tienen la gran mayoría de les estrelles de la Vía Lláctea.
1 Pegasi forma un sistema binariu con una estrella de magnitú 8,4 separada 36 segundos d'arcu. Tala acompañante ye, de la mesma, una binaria espectroscópica con un periodu orbital de 3,04 años. La componente principal d'esta binaria ye una nana naranxa de tipu K0V.[14]
Referencies
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.