A7
canal pública de televisión d'Asturies / From Wikipedia, the free encyclopedia
A7 (tamién conocida como TPA7) ye'l nome de la primer canal operada pola sociedá pública Televisión del Principáu d'Asturies, perteneciente a l'ente públicu Radiotelevisión del Principáu d'Asturies. Entamó les sos emisiones en pruebes el 20 d'avientu de 2005 a les 21 hores. Anguaño emite les 24 hores del día una programación xeneralista basada nos informativos, l'entretenimientu, el cine y les series. Anque la mayoría de la so programación ye en castellanu, dedica una parte del so tiempu a la emisión de programes en llingua asturiana.
A7 | |
---|---|
canal de televisión | |
Llocalización | |
Sede | Xixón |
Direición | España |
Historia | |
Fundación | 2005 |
Organigrama | |
Dueñu | Radiotelevisión del Principáu d'Asturies |
Web oficial | |
Anque entamó les sos emisiones baxo'l nome de TPA, camudó'l so nome pol actual cola aparición de la segunda canal A8[1], qu'emite la mesma programación una hora más tarde.
El 27 d'avientu de 2013 emitió per primer vegada un llargumetraxe n'asturianu: El rostru impenetrable ('One-Eyed Jacks', 1961)[2]. Emitióse a les 22:30 hores y algamó una cuota de pantalla del 5,1% de 'share'[3], trés décimes penriba de la media de la cadena nesi día[4]. El doblaxe foi posible gracies a la collaboración ente Gonzali Producciones y la canal autonómica. Dirixida y producida por Illán Gonzali, cuenta con una repartu de más de venti actores de doblaxe, ente ellos José Antonio Lobato (Karl Malden), Carlos Novoa (Marlon Brando), Ana Blanco Rozada, Ana Díaz Morán, Andrés Presumido, Alberto Rodríguez, Silvino Torre, Lluis Antón González, Carlos Alba, Olga Cuervo, Ángel Héctor Sánchez y Eladio Sánchez. Tien una duración de 145 minutos y ta interpretáu por Marlon Brando, Karl Malden, Pina Pellicer, Katy Jurado, Ben Johnson, Slim Pickens,Larry Duren, Sam Gilman, Timothy Carey, Miriam Colon, Elisha Cook Jr., Rodolfo Acosta, Hank Worden. Foi la única película dirixida por Marlon Brando. En 1961 tuvo nomada al Oscar na categoría de Meyor Fotografía (color) y llogró la Concha d'Oru a la meyor película nel Festival de San Sebastián.