From Wikipedia, the free encyclopedia
Alfa Lacertae (α Lac / 7 Lacertae / HD 213558)[6] ye la estrella más brillosa na constelación Lacerta, el llagartu, de magnitú aparente +3,76. Alcuéntrase a 102 años lluz de distancia del Sistema Solar.
Alfa Lacertae ye una estrella blanca de la secuencia principal de tipu espectral A1V con una temperatura superficial de 9200 K. La so lluminosidá equival a la de 27 soles y el so radiu ye'l doble del radiu solar. De carauterístiques físiques similares a la conocida Siriu, el so menor rellumu ye consecuencia de la distancia, yá que ta unes doce veces más alloñada qu'ésta. La velocidá de rotación d'Alfa Lacertae ye de siquier 146 km/s, completando un xiru en menos de 17 hores. Con una masa doble que la masa solar piénsase que ye una estrella relativamente nueva, qu'apocayá empecipió la fusión d'hidróxenu entrando na secuencia principal.[7]
Una estrella de magnitú 12 a 36 segundos d'arcu nun ye una compañera real y forma una doble óptica xunto a Alfa Lacertae. Ye tamién una estrella blanca (de tipu A5) pero unes 27 vegaes más distante.[7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.