Arquímedes
matemáticu, físicu, inxenieru, inventor y astrónomu griegu / From Wikipedia, the free encyclopedia
Arquímedes de Siracusa (en griegu antiguu: Ἀρχιμήδης) (circa 287 de edC, antigua Siracusa (es) – circa 212 de edC, antigua Siracusa (es) ) foi un matemáticu griegu, físicu, inxenieru, inventor y astrónomu. Anque se conocen pocos detalles de la so vida, ye consideráu unu de los científicos más importantes de l'antigüedá clásica. Ente les sos meyores en física atópense los sos fundamentos n'hidrostática, estática y la esplicación del principiu de la palanca. Ye reconocíu por tener diseñaes innovadores máquines, incluyendo armes d'asediu y el torniellu d'Arquímedes, que lleva'l so nome. Esperimentos modernos probaron les afirmaciones de qu'Arquímedes llegó a diseñar máquines capaces de sacar barcos enemigos de l'agua o prende-yos fueu utilizando una serie d'espeyos.[5]
Arquímedes | |
---|---|
Vida | |
Nacimientu | antigua Siracusa (es) [1], circa 287 de edC[2] |
Nacionalidá | antigua Siracusa |
Residencia | Siracusa |
Muerte | antigua Siracusa (es) [3], 212 de edC[4] (74/75 años) |
Causa de la muerte | homicidiu |
Familia | |
Padre | Phidias |
Estudios | |
Llingües falaes | griegu antiguu |
Oficiu | matemáticu, físicu, astrónomu, inventor, inxenieru militar, filósofu, inxenieru |
Trabayos destacaos |
Principiu de Arquímedes torniellu d'Arquímedes palimpsesto de Arquímedes (es) número de Arquímedes (es) garra de Arquímedes (es) elipsógrafo (es) espiral de Arquímedes (es) Problema del ganado (es) axioma de Arquímedes (es) Archimedes' Heptagon (en) De la esfera y del cilindro (es) |
Considérase qu'Arquímedes foi unu de los matemáticos más grandes de l'antigüedá y, polo xeneral, de tola historia.[6][7] Usó'l métodu refechu pa calcular l'área sol arcu d'una parábola col sumatorio d'una serie infinita, y dio un aproximamientu desaxeradamente precisa del númberu Pi.[8] Tamién definió la espiral que lleva'l so nome, fórmules pa los volúmenes de les superficies de revolución y un atélite sistema pa espresar númberos bien llargos.
Arquímedes morrió mientres el sitiu de Siracusa (214–212 e.C.), cuando foi asesináu por un soldáu romanu, a pesar de qu'esistíen órdenes de que nun se-y fixera nengún dañu.
A diferencia de los sos inventos, los escritos matemáticos d'Arquímedes nun fueron bien conocíos na antigüedá. Los matemáticos d'Alexandría lléenlu y cítenlu, pero la primer compilación integral de la so obra nun foi realizada hasta c. 530 d. C. por Isidoro de Mileto. Los comentarios de les obres d'Arquímedes escrites por Eutocio nel sieglu VI abriéronles por primer vegada a un públicu más ampliu. Les relativamente poques copies de trabayos escritos d'Arquímedes que sobrevivieron al traviés de la Edá Media fueron una importante fonte d'idees mientres la Renacencia,[9] ente que'l descubrimientu en 1906 de trabayos desconocíos de Arquímedes nel Palimpsestu de Arquímedes ayudó a entender cómo llogró les sos resultaos matemátiques.[10]