Austria
estáu d'Europa / From Wikipedia, the free encyclopedia
Austria[20],(n'alemán Österreich), oficialmente República d'Austria (n'alemán Republik Österreich), ye un estáu européu, ensin salida al mar, asitiáu na fastera meridional d'Europa central, nos Alpes orientales. Ye una república federal formada por nueve estaos federaos (Bundesländer), de los qu'ún ye Viena, capital y principal ciudá del país. Llenda con Alemaña al noroeste, la República Checa al norte, Eslovaquia al noreste, Hungría al este, Eslovenia ya Italia al sur, y Suiza y Liechtenstein al oeste. Tien una estensión de 83.879 km² y una población de casi nueve millones d'habitantes. La llingua oficial del país ye l'alemán, pero munchos austriacos comuníquense informalmente nún garapiellu de dialectos bávaros.
Austria | |||||
---|---|---|---|---|---|
estáu soberanu | |||||
| |||||
Himnu nacional |
Bundeshymne (es) | ||||
Alministración | |||||
Nome oficial | Republik Österreich | ||||
Capital | Viena | ||||
Forma de gobiernu |
república parlamentaria federal (es) Sistema semipresidencialista | ||||
Presidente d'Austria | Alexander Van der Bellen (dende 26 xineru 2017) | ||||
Canciller d'Austria | Karl Nehammer (dende 6 avientu 2021) | ||||
Llingües oficiales |
alemán llingua austriaca de señes | ||||
División |
ver
| ||||
Rellaciones diplomátiques |
ver
| ||||
Miembru de |
ver
| ||||
Xeografía | |||||
Coordenaes | 48°N 14°E | ||||
Superficie | 83,871 km² (puestu 112) | ||||
% agua | 1,3 | ||||
Costes | 0 km | ||||
Llenda con | 2.558 km | ||||
Puntu más altu | Grossglockner (es) | ||||
Puntu más baxu | Neusiedl (es) | ||||
Demografía | |||||
Población | 8,879,920[17] (2019) hab. (2022) | ||||
Densidá | Error d'espresión: Caráuter de puntuación "" non reconocíu. hab/km² | ||||
Xentiliciu |
austriacu[18] austriaca[19] | ||||
Esperanza de vida | 80,89024 años | ||||
IDH | 0,916 (2021) | ||||
Tasa de fertilidá | 1,48 (2018) | ||||
Economía | |||||
Moneda | euru | ||||
PIB nominal | 480 368 403 893 $ (2021) | ||||
Bancu central | Banco Nacional de Austria (es) | ||||
Más información | |||||
Dominiu d'Internet | .at | ||||
Códigu telefónicu | +43 | ||||
Códigu ISO | 040 / AUT / AT | ||||
Estaya horaria | UTC+01:00, Hora central europea, UTC+02:00 y Europe/Vienna (en) | ||||
Austria aparez como entidá política nel añu 976, como una marca del Sacru Imperiu Romanu Xermánicu, y dempués adquirió l'estatus de ducáu y archiducáu. Nel sieglu XVI convirtióse nel cuartel xeneral del imperiu de los Habsburgu, una de les dinastíes reales más influyentes de la historia. Como archiducáu yera un componente principal, y centru alministrativu, del Sacru Imperiu Romanu Xermánicu. A entamos del sieglu XIX Austria estableció'l propiu imperiu de so, que foi una gran potencia y la principal fuerza motriz de la Confederación Xermánica, pese a lo que siempre persiguió siguir el so propiu camín, independiente de los otros estaos xermanos. Tres de la guerra austro-prusiana y el compromisu con Hungría establecióse la Monarquía Dual.
Austria viose envuelta na Primer Guerra Mundial cuando l'herederu al tronu qu'ocupaba l'emperador Franciscu Xosé, l'archiduque Fernandu, foi asesináu en Sarayevu. Tres de la so derrota, y la disolución de la monarquía, proclamose la República d'Austria Alemana; la intención d'esta proclamación yera la xunión con Alemaña, que fracasó pol refugu de les potencies aliaes vencedoras na guerra. En 1919 la Primer República Austriaca convirtióse na heriede llegal del antiguu imeriu. En 1938 l'austriacu de nacencia Adolf Hitler, convertíu en canciller del Reich alemán, decretó l'anexón d'Austria como provincia del imperiu alemán. Tres de la derrota nazi en 1945 y la ocupación aliada Austria volvió a algamar la independencia como un estáu independiente y democráticu nomáu Segunda República Austriaca.
De magar, el país ye una democracia parllamentaria representativa con un presidente federal elixíu directamente como xefe del estáu y un canciller como xefe de gobiernu. Les principales ciudaes del país son Viena, Graz, Linz, Salzburgu ya Innsbruck. Austria, qu'apaez siempre na llista de los 20 países más ricos del mundu en términos de PIB per cápita, tien un altu estándar de vida, que lu colocó en 2018 nel puestu 20 de los países ordenaos pol so Índiz de Desarrollu Humanu.
La Segunda República declaró, en 1995, la so neutralidá perpetua n'asuntos políticos internacionales. El país ye miembru de les Naciones Xuníes dende 1955, y xunióse a la Xunión Europea en 1995. Nel so territoriu tienen la so sé la Organización pa la Seguridá y la Cooperación n'Europa y la Organización de Países Esportadores de Petroleu, y el país ye tamién miembru fundador de la Organización pa la Cooperación y el Desendolcu Económicu y la Interpol. Austria ye firmante del alcuerdu de Schengen dende 1995, y adoptó l'euru como so moneda en 1999.