Boko Haram
From Wikipedia, the free encyclopedia
Boko Haram (n'idioma Ḥausa: bóokòo haram, AFI: [bōːkòː hàrâm], 'La pretenciosidá ye anatema'; dacuando interpretáu como 'la educación occidental ye pecáu') ye'l nome d'un grupu terrorista de calter fundamentalista islámicu activu en Nixeria.[4][5][6][7][8]
Boko Haram | ||
---|---|---|
Operacional | Dende 2002 | |
Lideráu por | Abubakar Shekau | |
Oxetivos | Imposición de la xaria en Nixeria | |
Rexones d'aición |
| |
Ideoloxía | Fundamentalismu islámicu, yihadismu | |
Principales atentaos |
Insurxencia islamista en Nixeria Secuestru de Chibok de 2014 | |
Estatus | Organización terrorista | |
Notes | Dende 2015 declárense amestaos al Estáu Islámicu.[1][2][3] | |
[editar datos en Wikidata] |
Unu de los sos oxetivos declaraos ye l'establecimientu de la Sharia como norma vixente en tolos estaos de Nixeria, y non yá nel norte de mayoría musulmana.[9][10][11] Magar nel norte de Nixeria, la Sharia foi tradicionalmente considerada como un códigu de xusticia informal, y ye aceutada por sectores de la población del norte, ye llargamente refugada nel sur de Nixeria, onde esiste una proporción mayor de cristianos. Boko Haram ta considerada una organización que sofita abiertamente'l terrorismu escontra la población civil y usa medios violentos y coactivos na persecución de los sos oxetivos políticu-relixosos. Apocayá'l grupu terrorista emitió un comunicáu nel que reconocía la so adhesión al Estáu Islámicu.[12][13][14] Dende entós empezaron a referise a sigo mesmos como "Wilayat Gharb Ifriquiya" o "Provincia d'África Occidental".[15]