Esclerosis múltiple
From Wikipedia, the free encyclopedia
La esclerosis múltiple (EM), tamién conocida como mielopatía desmielinizante, ye una enfermedá carauterizada pola apaición de mancadures desmielinizantes, neurodegeneratives y cróniques del sistema nerviosu central. Anguaño desconócense les causes que la producen, anque se sabe qu'hai diversos mecanismos autoinmunitarios implicaos.
Alvertencia: Wikipedia nun ye un consultoriu médicu nin farmacolóxicu. Si piensa que precisa ayuda, por favor, fale con un profesional de la salú. |
Esclerosis múltiple | ||
---|---|---|
Síntomes de la esclerosis múltiple. | ||
Clasificación y recursos esternos | ||
CIE-10 | G35 | |
CIE-9 | 340 | |
CIAP-2 | N86 | |
OMIM | 126200 | |
DiseasesDB | 8412 | |
MedlinePlus | 000737 | |
eMedicine | neuro/228 | |
MeSH | D009103 | |
Especialidá | neuroloxía | |
Avisu médicu | ||
[editar datos en Wikidata] |
Puede diagnosticase con fiabilidá por aciu una biopsia o una autopsia, anque esisten criterios non invasivos pa diagnosticala con aceptable certidume. Los postreros internacionalmente almitíos son los criterios de McDonald.[1]
Enagora considérase que nun tien cura, anque esiste medicación eficaz, y la busca de les sos causes, inda desconocíes, ye un campu activo d'investigación. Puede presentar una serie de síntomes qu'apaecen en biltos o que progresen amodo a lo llargo del tiempu. Créese que na so xénesis actúen mecanismos autoinmunitarios.
Estrémense dellos subtipos d'esclerosis múltiple, y munchos afeutaos presenten formes distintes de la enfermedá col pasu del tiempu.
Por causa de los sos efeutos sobre'l sistema nerviosu central, puede tener de resultes una movilidá amenorgada ya invalidez nos casos más graves. Si nun se trata tres l'apaición de los primeros síntomes, siquier el 50 % de los pacientes caltienen un eleváu grau de movilidá a los quince años. Menos del 10 % de los enfermos muerren por cuenta de la esclerosis múltiple o de los sos entueyos.