Invasión rusa d'Ucraína de 2022
From Wikipedia, the free encyclopedia
La invasión rusa a Ucraína, oficialmente denominada por Rusia «operación militar especial n'Ucraína»[2][3] y por Ucraína «agresión escontra Ucraína», ye un episodiu bélicu en cursu a gran escala qu'entamó'l 24 de febreru de 2022, que forma parte de la guerra ruso-ucraína entamada en 2014. Delles fontes sostienen que ye'l mayor ataque militar convencional en suelu européu dende les guerres yugoslaves, o inclusive dende la Segunda Guerra Mundial, y foi comparada cola guerra d'Estaos Xuníos contra Afganistán, rematada pocos meses antes.[4][5] Dellos países como China ya India, nun califiquen l'actu como una invasión.[6]
Invasión rusa d'Ucraína de 2022 | ||
---|---|---|
Parte de guerra ruso-ucranína | ||
Controláu por Ucraína Controláu por Rusia | ||
Fecha | 24 febreru 2022[1] → anguaño | |
Llugar | Ucraína | |
Causes |
| |
Resultáu | En cursu | |
[editar datos en Wikidata] |
La invasión tuvo precedida por una acumuladura militar rusa qu'empezó a principios de 2021, mientres la cual el presidente de Rusia Vladímir Putin, criticó l'ampliación de la OTAN posterior a 1997 por considerala una amenaza para la seguridá del so país y esixó que se cumplieren los alcuerdos ente James Baker y Mikhaíl Gorbachov de 1989, qu'establecieren que nun s'estendería escontra l'este.[7][8] A pesar de les acumuladures militares, los funcionarios rusos dende mediaos de payares de 2021 hasta'l 20 de febreru de 2022 negaron repetidamente que Rusia tuviera planes d'invadir Ucraína.
El 21 de febreru de 2022, Rusia reconoció la independencia de la República Popular de Donetsk y la República Popular de Lugansk, dos estaos autoproclamados independientes na rexón de Dombás nel este d'Ucraína, y unvió tropes a esos territorios. A otru día, el Conseyu de la Federación de Rusia autorizó por unanimidá a Putin a utilizar la fuerza militar fora de les fronteres de Rusia.[9] L'ataque empecipiose tres dellos meses de tensión diplomático pola concentración d'aproximao 190 000 soldados rusos nes fronteres d'Ucraína qu'empezó a finales de 2021.[10][11][12]
Alredor de les 06:00 MSK (UTC+3) del 24 de febreru, Putin anunció una «operación militar especial» en territoriu de Donetsk y Lugansk, los misiles empezaron a impactar en llugares d'Ucraína, incluyida la capital, Kiev.[2] El Serviciu Fronterizu d'Ucraína dixo que los sos puestos fronterizos con Rusia y Bielorrusia fueron atacaos.[13][14] Dos hores más tarde, les fuerces terrestres ruses entraron nel país. El presidente d'Ucraína Volodímir Zelenski respondió promulgando la llei marcial, cortando los llazos diplomáticos con Rusia y ordenando la movilización xeneral, para lo cual prohibió la salida del país de los homes ente 18 y 60 años.[15] La invasión recibió una condena internacional xeneralizada (con esceición de dellos países, ente ellos China, India y Brasil), incluyíes nueves sanciones impuestes a Rusia, ente que les protestes contra la guerra en Rusia enfrentaronse con arrestos masivos, pero primeramente Zelenski consideró insuficiente'l sofitu internacional, afirmando que los «dexaron solos».[16][17][18]
Tanto antes como mientres la invasión, dellos de los trenta estaos miembros de la OTAN tán brindando sofitu militar a Ucraína; sicasí, la OTAN como organización nun lo ta faciendo.
El 28 de febreru y el 3 de marzu, les delegaciones ruses y ucraínes sostuvieron xuntes en Bielorrusia na qu'aldericaron dellos puntos como'l cese al fueu y la retirada de les tropes ruses, pero ensin llograr a un alcuerdu; aun así alcordaron otra xunta ensin afitar una fecha. Entrín y non, en delles ciudaes del mundu (incluyendo Rusia), produciéronse manifestaciones en contra de los ataques de Rusia a Ucraína, onde ciscaben el fin a la guerra y déanse alternatives más diplomátiques, munches d'estes espresaes con pancartes, como tamién el llume de monumentos, edificios, y estatues colos colores de la Bandera d'Ucraína.[19][20]