Laura Marcos
escritora asturiana / From Wikipedia, the free encyclopedia
Laura Marcos (1982, Mieres) ye una escritora narradora y poeta asturiana. Ye llicenciada en filoloxía inglesa y especialista en filoloxía asturiana y dirixe y presenta'l programa web "La clá invisible".
Tien participáu na antoloxía editada por Antón García La prueba del once (Ediciones Saltadera, 2015) con otros 10 poetes mozos del panorama asturianu, y nel llibru coleutivu autoeditáu Degeneración salvaje xunto con Pablo X. Suárez y otros poetes.
En 2017 asoleyó la que diba ser la so primer obra en solitariu: Cuentos de ser y de tar (Ediciones Trabe), una esbilla de 10 cuentos que mecen realismu y fantasía y que tuvo bones crítiques en medios como Goodreads o El Súmmum Revista Cultural.[ensin referencies] A la so obra lliteraria y en delles ocasiones premiada, Laura Marcos súma-y una faceta de crítica lliteraria nel espaciu "La clá invisible" na plataforma de YouTube PlayPresta nel qu'analiza los llibros y autores asturianos de toles époques poniendo un procuru especial nos autores más nuevos y interesantes.