Libia
From Wikipedia, the free encyclopedia
Libia[10] (n'árabe: ليبيا o Lībiyā), ye un país del norte d'África, asitiáu nel Magreb. Llenda col Mar Mediterraneu al norte, al oeste con Tunicia y Arxelia, al suroeste con Níxer, al sur con Chad, al sureste con Sudán y al este con Exiptu. L'estáu abarca'l territoriu de trés rexones históriques: Tripolitania, Fezán y Cirenaica. Ye, colos sos cerca de 1,8 millones de km², el cuartu mayor país d'África, y el 16ᵘ del mundu por estensión. La so ciudá mayor y capital, Trípoli, asítiase na fastera occidental del país, y concentra más d'una sesta parte de la población del país. La so segunda mayor ciudá, Bengasi, allúgase na fastera oriental del país.
| Libia ليبيا Lībiyā | |||||
|---|---|---|---|---|---|
| estáu soberanu | |||||
| |||||
| Himnu nacional |
Libia, Libia, Libia (es)  | ||||
| Alministración | |||||
| Nome oficial |
Stato della Libia (it) l’État de Libye (fr) | ||||
| Capital | Trípoli | ||||
| Forma de gobiernu | República | ||||
| Chairman of the Presidential Council (en) |
Mohamed Menfi (es) (dende 15 marzu 2021) | ||||
| Primer ministro de Libia (es) |
Abdul Hamid Dabaiba (es) (dende 5 febreru 2021) | ||||
| Llingües oficiales |
árabe árabe estándar modernu | ||||
| División |
ver
| ||||
| Rellaciones diplomátiques |
ver
| ||||
| Miembru de |
ver
| ||||
| Xeografía | |||||
| Coordenaes | 27°N 17°E | ||||
.svg) | |||||
| Superficie | 1759541 km² | ||||
| % agua | Nun tien | ||||
| Costes | 1.770 km | ||||
| Llenda con | Exiptu, Sudán, Tunicia, Arxelia, Chad, Níxer y Oriente Mediu | ||||
| Puntu más altu | Bikku Bitti | ||||
| Puntu más baxu |
Sabkhat Ghuzayyil (en) | ||||
| Demografía | |||||
| Población | 6 678 567 hab. (2018) | ||||
| Densidá | 3,8 hab/km² | ||||
| Xentiliciu |
libiu (masculín singular) libia (femenín singular) | ||||
| Esperanza de vida | 71,934 años | ||||
| IDH | 0,718 (2021) | ||||
| Tasa de fertilidá | 2,467 (2014) | ||||
| Economía | |||||
| Moneda |
dinar libio (es) | ||||
| PIB nominal | 39 798 423 941 $ (2021) | ||||
| Bancu central |
Banco Central de Libia (es) | ||||
| Más información | |||||
| Dominiu d'Internet | .ly | ||||
| Códigu telefónicu | +218 | ||||
| Códigu ISO | 434 / LBY / LY | ||||
| Estaya horaria |
UTC+02:00, Hora d'Europa Oriental y Africa/Tripoli (en) | ||||
 | |||||
.svg)
Libia tien sío habitada por bereberes dende la Edá del Bronce final. Los fenicios establecieron factoríes comerciales na fastera occidental del país, mentantu que na oriental colonos griegos establecieron ciudaes-estáu. Cartaxineses, perses, exipcios y griegos dominaron el territoriu de Libia primero de que pasara a formar parte del Imperiu romanu. Dempués, Libia foi ún de los primeros centros de la nueva relixón cristiana y, tres de la cayida del Imperiu romanu d'Occidente, foi ocupada polos vándalos hasta'l sieglu VII, cola llegada de los invasores árabes que traxeron con ellos l'Islam. Nel sieglu XVI l'Imperiu español y los Caballeros de San Xuan ocuparon Trípoli, pero foron espulsaos d'ella pol Imperiu otomanu en 1551. Entamaron asina más de trés sieglos d'ocupación, demientres les qu'asocedieron les nomaes Guerres berberisques (sieglos XVIII y XIX), que finaron cola ocupación italiana, que fizo de Libia una colonia ente 1911 y 1943. Demientres la Segunda Guerra Mundial el territoriu foi un importante teatru d'operaciones, lo que fizo colar del país a munchos italianos.
Libia algamó la so independencia, en forma de reinu, en 1951. El rei Idris I foi depuestu por un golpe d'estáu dirixíu por Muammar al-Gaddafi, que dirixó'l país dende 1969, proclamó la Revolución Cultural Libia en 1973 y foi depuestu y asesináu en 2011, demientres la Guerra Civil Libia. Nesi contestu dos autoridaes reclamaron el so derechu a gobernar el país: el Conseyu de Diputaos, con sé en Tobruk, y el Congresu Nacional Xeneral de 2014, con sé en Trípoli, que considerose a sigo mesmu el socesor del Congresu Nacional Xeneral elixíu en 2012. Col sofitu de les Naciones Xuníes establecióse un Gobiernu de Concentración Nacional en 2015, magar que delles partes del país quedaron fuera del so control y en manes de guerrilles islamistes y tribales.
Libia ye miembru de les Naciones Xuníes (dende 1955), del Movimientu de Países ensin Alliniar, la Lliga Árabe, la Organización pa la Cooperación Islámica y la Organización de Países Esportadores de Petroleu (tien les décimes mayores reserves de crudu del mundu). La relixón oficial del país ye l'Islam; el 96,6% de la so población son musulmanes suníes.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
