Morcín
conceyu d'Asturies / From Wikipedia, the free encyclopedia
Morcín[1] ye un conceyu de la Comunidá Autónoma del Principáu d'Asturies (España), estremáu en siete parroquies, formando un total de 65 nucleos de población, de los cualos 53 tienen una población inferior a los 100 habitantes, y namái les dolce entidaes restantes con una población d'ente 100 y 1.000 habitantes. Llenda al norte col conceyu de La Ribera, al sur col de Riosa, col de Mieres al este y col de Quirós y Santo Adriano al oeste. Cuenta en total con una población de 2540 hab. (2023)[2][3].
Morcín | |||||
---|---|---|---|---|---|
| |||||
Alministración | |||||
País | España | ||||
Autonomía | Principáu d'Asturies | ||||
Provincia | Provincia d'Asturies | ||||
Partíu xudicial | Mieres | ||||
Tipu d'entidá | conceyu | ||||
Capital | Santolaya | ||||
Alcalde de Morcín | Jesús Álvarez Barbao | ||||
Nome oficial | Morcín (es) | ||||
Xeografía | |||||
Coordenaes | 43°16′00″N 5°54′03″W | ||||
Superficie | 50.05 km² | ||||
Llenda con | La Ribera, Mieres, Riosa, Quirós y Santo Adriano | ||||
Altitú media | 1712 m | ||||
Demografía | |||||
Población | 2540 hab. (2023) | ||||
Densidá | 50,75 hab/km² | ||||
Xentiliciu | |||||
Más información | |||||
Estaya horaria | UTC+01:00 | ||||
morcin.com | |||||
Trátase principalmente d'un conceyu rural y mineru, allugáu nel corazón del Principáu d'Asturies, bien coneutáu colos principales nucleos de la rexón. Santolaya, la capital, alcuéntrase asitiada estratéxicamente a 10 km d'Uviéu y de Mieres, y a menos de 30 minutos per autovía con Avilés y Xixón.
Los sos 50'05 km² tán delimitaos por pueblos y aldegues que'l so principal puntu común ye'l monte Monsacro. La Sierra del Aramo, declarada como Paisaxe Protexíu, contribúi a l'harmonía del conceyu xunto colos ríos Morcín y Barrea.
Como compensa al so esfuerciu pol caltenimientu del so acerbo cultural, una de les comunidaes más significatives de Morcín, la de la parroquia de la La Foz, foi gallardoniáu col Premiu al Pueblu Exemplar, ratificando asina la so postura por un desenvolvimientu económicu sostenible y n'harmonía cola so redolada natural.