O Bolo
From Wikipedia, the free encyclopedia
From Wikipedia, the free encyclopedia
O Bolo[3] (El Bollo en castellanu)[4][5] ye un conceyu de la provincia d'Ourense en Galicia. Pertenez a la Contorna de Valdeorras.
O Bolo | |
---|---|
Alministración | |
País | España |
Autonomía | Galicia |
Provincia | provincia d'Ourense |
Tipu d'entidá | conceyu de Galicia[1] |
Alcalde d'El Bollo | Manuel Corzo Macías (es) |
Nome oficial | O Bolo (gl)[2] |
Códigu postal |
32373 |
Xeografía | |
Coordenaes | 42°18′24″N 7°05′56″W |
Superficie | 91 km² |
Altitú | 785 m |
Llenda con | Manzaneda, Larouco, Petín, A Veiga y Viana do Bolo |
Demografía | |
Población |
806 hab. (2023) - 448 homes (2019) - 436 muyeres (2019) |
Porcentaxe | 0.26% de provincia d'Ourense |
Densidá | 8,86 hab/km² |
Más información | |
Estaya horaria | UTC+01:00 |
obolo.es | |
La villa foi llamada na antigüedá Volobriga, y finales del sieglu XIV la villa perteneció al magnate Pedro Enríquez de Castiella, que yera nietu del rei Alfonsu XI de Castiella y tamién conde de Trastámara, Lemos, Sarria, Viana y O Bolo,[8] condestable de Castiella, pertigueru mayor de Santiago[8] y comendero mayor del obispáu de Mondoñedo y d'otros munchos monesterios gallegos.[9] Y el conde Pedro yá apaecía nun documentu de mayu de 1372 expedíu na ciudá de Santiago de Compostela, y citáu por Eduardo Pardo de Guevara y Valdés, colos títulos de «conde de Trastámara, de Lemos y de Sarria, del Bollo y de Viana, y señor de Robreda y pertigueru mayor de Santiago».[10]
Y a la muerte del conde Pedro Enríquez, que finó na ciudá d'Ourense el 2 de mayu de 1400,[11] el so fíu Fadrique Enríquez de Castiella heredó los condaos de Trastámara y Lemos y el señoríu de Sarria, ente otros munchos, como señaló Franco Silva.[12] Y tamién heredó'l títulu de conde de Viana y O Bolo y aportó a duque de Arjona, pertigueru mayor de Santiago y señor de Ponferrada y Villafranca de Valcárcel.[13]
Pero en 1429 el duque Fadrique foi prindáu por orde del rei Xuan II de Castiella y desaposiáu de tolos sos títulos y posesiones,[14] y morrió a finales de marzu de 1430 nel castiellu de Peñafiel[15][16] con barruntos de ser asesináu por orde del rei Xuan II de Castiella, anque otros afirmen que morrió por causes naturales.[17]
Hasta'l sieglu XVIII permaneció de pies una fortaleza construyida a finales del sieglu XV, y probablemente sobre otra anterior destruyida mientres la revuelta de los Irmandiños. Y cuntaba d'una ancha muralla circular jalonada de torrexones, cola torre d'Homenaxe, y con delles dependencies más.
Pero na actualidá del castiellu namái queda de pies la torre d'Homenaxe, que foi apocayá restaurada y ye de planta cuadrada y de 18 metros d'altor, según dellos restos de cubos y muralles de la sumida fortaleza.
|
|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.