Políticu español From Wikipedia, the free encyclopedia
Pablo Casado Blanco (1 de febreru de 1981, Palencia) ye un políticu español del Partíu Popular. Anguaño ye diputáu nes Cortes Xenerales por Ávila y líder de la oposición al Gobiernu de Pedro Sánchez. El 18 de xunu de 2018 presentóse como precandidatu pa liderar el Partíu Popular y, finalmente, ye escoyíu presidente d'esti, ganando les eleiciones primaries a la exvicepresidenta del Gobiernu d'España Soraya Sáenz de Santamaría[5][6].
Nació na ciudá de Palencia el 1 de febreru de 1981. De padre médicu y madre profesora universitaria, la so familia tien una conocida clínica oftalmolóxica en Palencia.[7] Realizó'l 8º cursu d'EGB nel Reinu Xuníu.[8]
Empezó los sos estudios de derechu nel ICADE (integráu na Universidá Pontificia Comillas) en 1999, pero camudar de centru,[9] matriculándose nel Centru d'Enseñanza Cimera Cardenal Cisneros, un centru priváu de titularidá d'una fundación de la Comunidá de Madrid y adscritu a la Universidá Complutense de Madrid (UCM) nel que finalmente llogró la llicenciatura n'aprobando en setiembre de 2007.[9][10] Colexóse como abogáu en Madrid en payares de 2007.[11]
Ente 2005 y 2013 presidió les mocedaes de la organización territorial del Partíu Popular (PP) na Comunidá de Madrid, conocíes como Nueves Xeneraciones (NNGG).[12][13][14] En 2007 efectuó un viaxe iniciático a Cuba, similar al efectuáu darréu pol so llugarteniente nes NNGG madrilanes Ángel Carromero,[nota 1] onde s'axuntó con disidentes del castrismu como Oswaldo Payá, y del que dexó testimoniu n'artículos publicaos nel mediu dixital Libertad Digital y el diariu El Mundo.[16][7]
Ente 2007 y 2014 cursó'l grau en Alministración y Direición d'Empreses na Universidá Rey Juan Carlos.[17] Tamién añadió a la so formación académica diversos estudios y títulos de post-grau,[nota 2][nota 3] toos ellos llograos al par del exerciciu de diversos cargos públicos.[20]
Candidatu na llista del PP pa les eleiciones a l'Asamblea de Madrid de 2007, resultó escoyíu diputáu autonómicu de la viii llexislatura de l'Asamblea de Madrid,[21] onde desempeñó les funciones de vocera de la comisión de Xusticia y Alministraciones Públiques y voceru axuntu de la comisión de Presupuestos y Facienda.[22] Causó baxa como diputáu rexonal por arrenunciu nel branu de 2009.[23] En xunu de 2009 casóse con Isabel Torres Orts,[24] cola que tuvo una fía y un fíu.[25]
Ente 2009 y 2012 exerció de direutor de gabinete del ex-presidente del Gobiernu José María Aznar. Mientres esti periodu, en 2010, foi xunto a Carlos Bustelo, Rafael Bardají y Enrique Navarro Gil, fundador del think tank prosionista Friends of Israel Initiative.[26][27]
Candidatu de la llista del PP n'Ávila pa les eleiciones xenerales de 2011, resultó escoyíu diputáu, escañu qu'anovaría nos comicios de 2015 y 2016.
Na X llexislatura foi vocera de la Comisión mista Congresu-Senáu pa la Xunión Europea,[28] voceru axuntu d'Asuntos Esteriores y vocal de la Comisión de Xusticia y de la Comisión de Cooperación Internacional pal Desenvolvimientu. Mientres la XI Llexislatura foi presidente de la Comisión d'Educación y Deporte y vocal de la Comisión de Constitucional del Congresu de los Diputaos.
De 2011 a 2015 foi miembru de la Comisión de seguridá, asuntos políticos y derechos humanos de l'ApUPM (Assemblée Parlementaire de l'Union pour la Mèditerranée).[28] Y de 2013 a 2015 foi miembru de la COSAC (Conference of Parliamentary Committees for Union Affairs).[28]
En xineru de 2015, foi escoyíu voceru del comité de campaña pa les eleiciones municipal y autonómicu celebraes esi mesmu añu,[29][30] siendo nomáu'l 18 de xunu de 2015 vicesecretariu xeneral de comunicación pol presidente nacional, Mariano Rajoy.[31]
En 2018 asistió a una xunta del grupu New Leaders for Europe.[32] En 2017 apaecía como miembru del Europe Policy Group [33] del Foru Económicu de Davos.
N'abril de 2018, y como ramificación del casu Cifuentes, empezaron a apaecer delles publicaciones que semen barruntos sobre'l llogru irregular y tratu de favor en delles de les sos titulaciones; primeru sobre'l Máster en Derechu Autonómicu y Local pola URJC de 2008 (idénticu al que diera pie a la imputación de la ex-presidenta madrilana Cristina Cifuentes),[34][35] que Pablo Casado cursó y aprobó ensin asistir nunca a clases presenciales nin efectuar nengún exame,[36] según él mesmu almitió públicamente [nota 4] y, darréu, yá en mayu de 2018, poles presuntes irregularidaes nel llogru "express" del títulu universitariu en Derechu,[38][39][40] de resultes de supuestes presiones per parte de la entós Presidenta de la Comunidá de Madrid, Esperanza Aguirre, sobre les autoridaes del CES Cardenal Cisneros.[41][42] pero'l mesmu centru de la mesma emitió un comunicáu onde desmentíen tal información asegurando qu'en nengún momentu hubo tratu preferente y que nun pudo aprobar ensin presentase a los exámenes[43]
Esti últimu desenvolvimientu de los acontecimientos llevó al rectoráu de la UCM a abrir una investigación sobre los procedimientos llevaos a cabu pol CES Cardenal Cisneros por que la UCM otorgara'l citáu títulu de Derechu en 2007,[44] cuando Casado yera diputáu rexonal na Asamblea de Madrid[45][nota 5] De la mesma, la xueza instructora del casu Cifuentes abrió, en mayu de 2018, una pieza separada pa investigar les condiciones de llogru del máster de Pablo Casado correspondiente al cursu académicu 2008-2009.[35]
En mayu de 2018 la URJC abrió una investigación d'información reservada» avera del títulu de llicenciatura n'Alministración y Direición d'Empreses de Casado col pretendíu oxetivu de «esclariar la situación de los estudios de Grau del estudiante Pablo Casado Blanco».[47]
En xunu de 2018 anunció'l so precandidatura a presidir el Partíu Popular, presentándose como un candidatu «d'integración» pa liderar el PP y «recuperar» a votantes de Ciudadanos o Vox.[48] "Propongo la defensa de la llibertá individual y económico: baxos impuestos, alministraciones eficientes; la defensa de la unidá d'España, entá ye más col desafíu independentista en Cataluña pero tamién lo que tamos viviendo en País Vascu y Navarra; la seguridá bien focalizada na llucha contra'l terrorismu; la defensa de la familia y de la vida y toles polítiques sectoriales que dependen d'ende: educación, pensiones, sanidá; y l'eficacia de la honestidá"[49]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.