Pitágores
From Wikipedia, the free encyclopedia
Pitágores[3] de Samos (aproximao 582 e.C. - 507 e.C., en griegu: Πυθαγόρας ο Σάμιος) foi un filósofu y matemáticu griegu, famosu sobre too pol Teorema de Pitágoras.
Pitágores | |
---|---|
Vida | |
Nacimientu | Samos (es) , sieglu VIedC[1] |
Nacionalidá | Samos |
Residencia | Crotone |
Muerte | Metaponto (es) [2], [2] |
Familia | |
Padre | Mnesarchus |
Casáu con | Téano |
Fíos/es |
|
Estudios | |
Llingües falaes | griegu antiguu |
Alumnu de |
Anaximandro (es) Themistoclea (es) Hermodamas (en) Ferécides de Siros (es) Tales de Mileto |
Profesor de |
Filolao (es) Empédocles |
Oficiu | matemáticu, filósofu, políticu, escritor, musicólogu, teóricu de la música |
Trabayos destacaos |
teorema de Pitágoras terna pitagórica (es) sólido platónico (es) |
Influyencies | Ferécides de Siros (es) , Anaximandro (es) , Tales de Mileto y Zoroastru |
Movimientu |
Pitagóricos (es) filosofía occidental (es) |
Creencies | |
Relixón | Pitagóricos (es) |
Pitágoras ñació na islla de Samos. Siendo bien mozu viaxó a Mesopotamia y Exiptu. A la vuelta a Samos, finó los estudios y fundó la so primer escuela cuando la tiranía de Polícrates. Problemes políticos obligáronlu a colar pa Crotona, nel sur d'Italia, au fundó la so segunda escuela. Les doctrines d'esti centru cultural rexíense por regles estrictes enforma. La escuela (anque rigorosamente esotérica) taba abierta a homes y muyeres indistintamente. Los estudiantes pertenecíen a estremaes races, relixones y estratos socio-económicos. Depués de ser espulsaos polos pobladores de Crotona, los pitagóricos exiliáronse en Taranto, au se fundó una nueva escuela.
La escuela de pensamientu afirmaba que la estructura del universu yera aritmética y xeométrica. Poro, les matemátiques convirtiéronse nuna disciplina fundamental pa la investigación científica.
De la infancia de Pitágores sábese bien poco. Yera una persona instruyida, con conocimientos musicales (sabía tocar la llira) y lliterarios.
Pitágoras ta consideráu l'introductor de pesos y midíes, iniciador de la teoría musical; el primeru en falar de "teoría" y de "filósofos"[ensin referencies], en postular el vacíu, en considerar que l'universu yera una obra namái descifrable por medios matemáticos y que la tierra tien forma esférica.