botánicu y médicu italianu From Wikipedia, the free encyclopedia
Prospero Alpini tamién conocíu como Alpino, Prosper Alpinus, Prospero Alpino y Prosper Alpin (23 de payares de 1553, Marostica (es) – 23 de payares de 1616, Padua) foi un botánicu y médicu italianu.
Prospero Alpini | |
---|---|
Vida | |
Nacimientu | Marostica (es) [1], 23 de payares de 1553[2] |
Muerte | Padua[3], 23 de payares de 1616[4] (63 años) |
Estudios | |
Estudios | Universidá de Padua |
Llingües falaes |
llatín[2] italianu[5] |
Oficiu | botánicu, médicu, entomólogu |
Emplegadores | Universidá de Padua |
Abreviatura en botánica | Alpino (IPNI) |
Alpini nació en Maróstica, cerca de Vicenza, na República de Venecia. Na so mocedá sirvió nel exércitu de Milán, pero nel 1574 decidióse a estudiar Medicina en Padua. Una vegada terminaos los sos estudios en 1578, empecipió l'exerciciu del oficiu médicu en Camposampiero, un pequeñu país del territoriu de Padua. Pero la so verdadera pasión yera la botánica y, pa poder estudiar y conocer plantes exótiques, treslladóse a Exiptu en 1580 como médicu al serviciu personal de Giorgio Emo, el cónsul venecianu n'El Cairu.
Trescurrió tres años nesi país, y del cultivu de la Palma datilera, Alpini deduz el conceutu de la diferencia sexual nes plantes, qu'aína foi adoptáu como fundamentu del sistema de clasificación científica de Linneo. Afirmó que "la palma de dátiles femenina nun produz el frutu nun siendo que-y pongamos una caña masculina entemecida coles femenines, y que'l polen que producen les flores machu faiga apareyamientu cola flor femenina".
A la so vuelta a casa, moró un tiempu en Xénova como médicu d'Andrea Doria, y nel 1593 foi profesor de Botánica en Padua, onde morrió en 1617 por mor d'un fallu renal. Al quedar vacante'l so puestu, este foi ocupáu pol so fíu, Alpino Alpini. La so obra más famosa De Plantis Aegypti liber Venecia, 1592. Nel De Medicina Egyptiorum Venecia, 1591 ta contenida la primera referencia sobre la planta del café publicada n'Europa.
El xéneru Alpinia de la familia Zingiberaceae foi llamáu asina por Linneo nel so honor.
L'abreviatura Alpín emplégase pa indicar a Prospero Alpini como autoridá na descripción y clasificación científica de los vexetales. (consulta la llista de tolos xéneros y especies descritos por esti autor nel IPNI).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.