Ríu Irtish
From Wikipedia, the free encyclopedia
El ríu Irtish (rusu: Иртыш; kazaquistanín: Ертіс, Ertis; chinu simplificáu: 额尔齐斯河, pinyin: Erqisi) ye un llargu ríu d'Asia Central que flúi en direiciones NO y N al traviés de China, Kazakstán y Rusia hasta desaguar nel ríu Obi, del que ye'l so mayor afluente. Tien un llargor de 4248 km pero si considérase'l sistema Obi-Irtish, algama los 5410 km, que lo asitien como'l séptimu ríu más llargu del mundu, por detrás del Amazones, Nilu, Yangtsé, el Mississippi-Missouri, el Yeniséi-Angará y el ríu Mariellu.
Ríu Irtish | |
---|---|
Situación | |
País | Rusia |
Óblasts | Tiumén (es) |
Distritos autónomos | Distritu autónomu de Janti-Mansi |
Tipu | ríu internacional |
Coordenaes | 47°24′52″N 90°12′56″E |
Datos | |
Conca hidrográfica | Irtysh basin (en) |
Superficie de la conca | 1 643 000 km² |
Llonxitú | 4248 km |
Caudal | 3000 m³/s |
Nacimientu | Mongolian Altai (en) |
Desembocadura | Ríu Obi (Janti-Mansisk) |
Afluentes |
ver
|
Drena una vasta cuenca de 1 673 470 km², la 16ª mayor del mundu. Alministrativamente, el ríu naz en China (na Rexón Autónoma Güigur de Sinkiang), crucia Kazakstán (provincies de Kazakstán Oriental y Pavlodar) y acaba desaguando en Rusia (óblast de Tiumén y el distritu autónomu de Janti-Mansi - Yugra).
Los sos principales afluentes son los ríos Ishim (2450 km), Tobol (1591 km), Demianka (1160 km), Konda (1097 km) y Om (1090 km). Hai munches ciudaes nes sos veres, como les cazaques Öskemen, Semey y Pavlodar, y les ruses Omsk, Tara, Tobolsk y Janti-Mansisk.