Víctor Suárez Piñero (1988, Uviéu) ye mayestru, escritor, traductor y activista en favor del conocimientu llibre[9] y los derechos llingüísticos del asturianu.[10][11][12][13]. Dende 2019 foi escoyíu pa formar parte del Conseyu de Comunidaes Asturianas por designación de la Xunta Xeneral del Principáu d'Asturies[14][15] y, dende 2020, de la comisión permanente del Conseyu Asesor de Política Llingüística nomáu pola Conseyería de Cultura, Política Llingüística y Turismu.[16]Dende 2023 ye'l coordinaor de política llingüística de la Federación Socialista Asturiana (FSA-PSOE).[17]
Víctor Suárez Piñero | |
---|---|
Vida | |
Nacimientu | Uviéu[1], 1988[2] (35/36 años) |
Nacionalidá | España |
Llingua materna | asturianu |
Estudios | |
Estudios | Universidá d'Uviéu |
Llingües falaes |
asturianu castellanu inglés |
Oficiu | profesor, escritor, activista polos derechos llingüísticos, traductor, wikimedista, políticu |
Trabayos destacaos | La Rexenta |
Premios |
ver
|
Miembru de |
Wikimedia España[6] Iniciativa pol Asturianu OpenStreetMap Conseyu de Comunidaes Asturianes Conseyu Asesor de Política Llingüística |
Creencies | |
Partíu políticu |
Federación Socialista Asturiana (dende 2023)[7] Izquierda Xunida d'Asturies (hasta 2023)[8] |
IMDb | nm10835124 |
Biografía
Activismu llingüísticu y políticu
Dende l'añu 2006 fai llabores d'alministración y edición en distintos proyeutos de conocimientu llibre n'asturianu como la Wikipedia[18] o OpenStreetMap, participando n'alcuentros internacionales como UbuCon Europe.[19] En 2009 foi'l creador xunto al Aconceyamientu de Xuristes pol Asturianu del Observatoriu de derechos llingüísticos y del Rexistru de la Discriminación Llingüística n'Asturies.[20] En 2011 miembru fundador d'Iniciativa pol Asturianu, asociación de la que foi'l so vicepresidente.[21] Militó n'Izquierda Xunida d'Asturies[22] siendo'l responsable de política llingüística de la formación,[23][24] abandonando la formación en 2022 dempués de fallar la negociación de la reforma del Estatutu d'Autonomía que tenía la oficialidá del asturianu como ún de los sos oxetivos principales. Anguaño milita na Federación Socialista Asturiana y coordina la política llingüistica de la formación.[17]
Medios de comunicación
Foi ún de los creadores y redautores del desapaecíu diariu dixital contrainformativu Aruelu y asoleyó artículos d'opinión en medios dixitales n'asturianu como: Asturies.com, Asturnews, InfoAsturies, Glayíu, Les Noticies o La Voz de Asturias.[25] Tres contribuyir, en 2007, con una seición de cine nel programa Nueches de Radio, de la emisora Radio Sele, presentó en solitariu'l programa Cinefiliast y, diez años depués, retomaría la iniciativa con Cinefilies[26] seición de cine de la mano de Naciu Varillas nel programa Naguando de RPA, emisora na que tamién participó nel programa La Buena Tarde (2019).[27][28] Participó del programa Sentir Asturies (2021) con la seición La Pantallona.[29][30]
Enseñanza y divulgación
Collaboró como divulgador cola Academia de la Llingua Asturiana na Universidá Asturiana de Branu (UABRA) y nes Xornaes Internacionales d'Estudiu con comunicaciones sobro'l usu del cine na clas de llingua asturiana[31] y la inclusión d'asturianismo nos diccionarios de la Real Academia Española.[32] Participó, en calidá de ponente, na II Xornada Llingua y educación de la Facultá d'Educación y Formación del Profesoráu de la Universidá d'Uviéu y na Xornada Espardimientu ya impactu de la Llingua Asturiana de la Vicerrectoría d'Estudiantes y d'Estensión Universitaria y Comunicación de la mesma institución.
Cola Conseyería d'Educación del Principáu d'Asturies participara en actividaes como el Día de les Ciencies Asturianes de 2017[33] o lAlcuentru virtual: la escuela n'asturianu de 2021.[34] Mientres el confinamientu pol andanciu de 2020 fixo parte dAprende con TPA d'Educastur TV.
Participara d'estremaos eventos culturales como la ruta lliteriaria de La Rexenta,[35][36] la CometCon d'Uviéu en 2018[37] y 2021 o na Selmana Negra de Xixón en 2019 xunto a figures relevantes de la cultura asturiana como Berta Piñán.[38][39]
N'avientu de 2022 fixo parte de la mesa redonda Panorama actual y futuru de la traducción audiovisual n’asturianu nel I Congresu de Traducción Audiovisual n’Asturianu organizáu por Verbéu, l'Asociación de Traductores Profesionales n’Asturianu.[40][41]
Obra
Ficción
- Fueya en blancu (Revista Formientu Nu 1, 2006)
- Xitanxáfora ukulelizante y Vaya peles ánimes (Revista Formientu Nu 10, 2011) ISSN: 2172-4156
- El Viax (Revista Formientu Nu 11, 2012) ISSN: 2172-4156
- Nayundes (en Fecho na cuarentena, Ediciones Radagast, 2020)
Ensayu
- Ciencia ficción n'asturianu[42] un averamientu a la trayeutoria d'esti xéneru na lliteratura asturiana (Revista Lliteratura Nᵘ32, 2016) ISSN: 113-9542
- Atlas sonoru de la llingua asturiana - Uviéu (Academia de la Llingua Asturiana, 2018) en collaboración con Darío de Dios Sanz.
- Restolando pela rede. El pallabreru de la informática (Oficina de Normalización Llingüística de Xixón, 2021)
Traducción
- En solitariu
- Club de Llucha traducción del primer capítulu de Fight Club de Chuck Palahniuk (Lletres Lliterariu Nᵘ5, 2013) ISSN: 1889-5182
- Los nueve mil millones de nomes de Dios traducción del rellatu The Nine Billion Names of God d'Arthur C. Clarke (Revista Lliteratura Nᵘ30, 2014) ISSN: 113-9542
- Los viaxes de Gulliver traducción del primer capítulu de Gulliver's Travels de Jonathan Swift (Revista Lliteratura Nᵘ31, 2015) ISSN: 113-9542
- La Rexenta[43][44][45] de Leopoldo Alas "Clarín" (Saltadera, 2018)
- Charlie y la fábrica de chocolate de Roald Dahl (Ediciones Radagast, 2021)
- Matilda de Roald Dahl (Ediciones Radagast, 2022)
- N'obres coleutives
- Se lo dije a la noche de Juan Carlos García Hoyuelos (Beta III Milenio, 2011) ISBN 978-84-92629-60-2
- Aire, fuego y deseo de Juan Carlos García Hoyuelos[46] (Beta III Milenio, 2016) ISBN 978-84-15495-85-7
- Collaboración con usuarios y monitores de la Fundación Asturiana de Atención y Proteición a Personas con Discapacidades y/o Dependencias (FASAD) na traducción al asturianu del cómic Castrones a la carrera fechu por un grupu de persones con discapacidad del Centru d'Apoyu a la Integración “La Arboleya”[47][48][49]
- Instant.es lilbru-discu de l'Asociación d'Escritores d'Asturies (2021) ISBN 978-99-45098-24-2
- Pal doblaxe y sotitulación
- Ocean's Eleven (Gonzali Producciones, 2017)
- Sherlock Holmes: xuegu de sombres[50] (Gonzali Producciones, 2017)
Premios
- Premiu al meyor blog n'asturianu por Fueya en blanco.
- Segundu premiu nos Premios L'Horru del Carbayedo de Microrrellatu n'Asturianu col microrrellatu “Vaya peles ánimes”.[51]
- Primer premiu nel "I Concursu de Rellatu Curtiu 'Cenciella'" de Noreña col microrrellatu “El Viax”.[52]
- Primer premiu nel Concursu de Cuentos Curtios de Cangas del Narcea.[53][54]
- Tercer premiu na estaya de divulgación del concursu Fala en 3 de la Oficina de Normalización Llingüística de Xixón.[55][56]
Referencies
Enllaces esternos
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.