La Rexenta

La Rexenta (títulu orixinal en castellán: La Regenta) ye la primer novela de Leopoldo Alas «Clarín», asoleyada en dos tomos en 1884 y 1885.^[2] que cuenta la hestoria d'Ana Ozores y la so rellación amorosa col cura de Vetusta (una alegoría d'Uviéu) y cómo topeten coles convenciones de la dómina. Otru rival amorosu, el típicu Don Juan, entra en xuegu pa complicar la trama.

Pa ver otros usos d'esti términu, La Rexenta (dixebra).

La Rexenta
obra lliteraria
Datos
Autor	Leopoldo Alas
Fecha	1884 y 1888
Xéneru	novela naturalista (en)
Llingua de la obra	castellanu
País orixinal	España
Personaxes	Ana Ozores (en) Fermín de Pas (en) Víctor Quintanar (en) Álvaro Mesía (en) Doña Paula (en) Pedro Juan Xavi
Llugar de la narración	Vetusta
Asturianu
Títulu traducción	La Rexenta[1]
Traductor	Víctor Suárez Piñero
Editorial traducción	Editorial Saltadera
Fecha traducción	2018

Escultura dedicada a «la Rexenta» na plaza de la Catedral d'Uviéu.

En pallabres del so autor, «foi escrita como artículos sueltos» que «según diba escribiendo diba mandando al editor». Gran parte de la crítica considérala la obra cume de Clarín y de la novela española del sieglu XIX, la segunda de la lliteratura española^[3] y unu de los máximos esponentes del naturalismu y del realismu progresista.

Amás, la crítica vieno señalando, dende'l momentu de la so publicación, los venceyos ente La Rexenta y Madame Bovary (1857), del escritor francés Gustave Flaubert.^[4]

La novela, que la so aición trescurre en Vetusta, una ciudá provinciana tres que'l so nome amazcaró Clarín a la capital asturiana, Uviéu, namái pudo ser espublizada en Barcelona (Daniel Cortezo y Cía.), yá que constituyó un verdaderu escándalu nel so momentu, sobremanera n'Uviéu: l'obispu de la ciudá publicó na so contra una pastoral que mereció una retruque de Clarín.^[5]

Nel so argumentu basóse la versión cinematográfica homónima de 1974 dirixida por Gonzalo Suárez y protagonizada por Emma Penella. Posterior ye la serie pa televisión de Fernando Méndez Leite con Aitana Sánchez-Gijón y Carmelo Gómez.

En 2022 espublizóse La Rexenta contra Drácula, novela curtia n'asturianu del escritor Adrián Carbayales. Nesta tresforma'l personaxe de Clarín nuna axente secreta y la enfrenta col vampiru de Bram Stoker.^[6] Considerada «una de les noveles n'asturianu más esitoses del sieglu XXI»,^[7] nun tardó en traducise al castellanu.^[8]

Traducciones

Les traducciones espublizaes conocidas son les de darréu:

Idioma	Añu	Títulu de la traducción	Traductor	Edición	Notes
Inglés	1984	La Regenta	John Rutherford	Athens, GA: University of Georgia Press Harmondsworth: Penguin London: Allen Lane
Alemán	1985, 1987, 1988, 1990, 2008	Die Präsidentin	Egon Hartmann	Frankfurt am Main: Insel-Verlag	Hasta cinco ediciones.
Suecu	1986, 1988	Presidentskan	Peter Landelius	Stockholm: Arbetarkultur	Dos ediciones.
Francés	1987	La Régente	Yvan Lissorgues	Paris: Fayard
Portugués	1988	A corregedora	Joana Varela	Lisboa: Contexto
Neerlandés	1992, 2002, 2008	La Regenta	Barber van de Pol	Amsterdam: Bakker	Tres ediciones.
Noruegu	1995, 1997	Rettspresidentens hustru	Arne Worren	Oslo: Solum	Dos ediciones.
Chinu	2002	Tingzhang furen	Guan Shenguo; Mao Zhuoliang	Beijing: Zhongguo xiju chubanshe
Checu	2002	Regentka	Eduard Hodousek	Praga: Arista ISBN 80-86410-16-1
Croata	2003	Regenta	Irena Sinovčić	Zagreb: Demetra
Búlgaru	2003	Regentkata	Georgi Anastasov	Sofija: Ispanika
Serbiu	2005	Regenta	Nina Marinović	Sremski Karlovci, Novi Sad: Izdavačka knjižarnica Zorana Stojanovića
Asturianu	2018	La Rexenta[1]	Víctor Suárez Piñero	Editorial Saltadera