1 Centauri
estrella From Wikipedia, the free encyclopedia
Remove ads
Coordenaes: 
13h 45m 41.244s, -33° 2′ 37.381″
1 Centauri (1 Cen / i Centauri)[9] ye una estrella na constelación de Centaurus de magnitú aparente +4,23. Allúgase a 63 años lluz de distancia del Sistema Solar.
Remove ads
Carauterístiques
1 Centauri ye una estrella blanco-mariella de tipu espectral F2V[9] —clasificada tamién como subxigante de tipu F3IV—[10] con una temperatura efectiva de 6730 K.[11] Les sos carauterístiques físiques nun son bien distintes a les d'estrelles más conocíes como Rijl al Awwa (μ Virginis), η Leporis o β Trianguli Australis. La so masa ye aproximao un 43% mayor que la masa solar[12] y tien una edá envalorada de 1800 millones d'años.[13] La so velocidá de rotación proyeutada ye de 64 km/s, siendo'l so periodu de rotación igual o inferior a 1,69 díes.[14]
1 Centauri ye una binaria espectroscópica[9] con un periodu orbital de 9,945 díes. L'acompañante, con una masa envalorada de namái 0,08 mases solares,[12] tópase xusto percima de la llende que define a una nana colorada —per debaxo de 0,08 mases solares nun ye yá una estrella sinón una nana marrón—.
Remove ads
Composición elemental
1 Centauri presenta una metalicidá un 11% inferior a la del Sol ([Fe/H] = -0,05).[15] Polo xeneral, la so composición química difier de la solar tocantes a que diversos elementos, como vanadiu, bariu, europiu y neodimiu, son «sobreabondantes» —esti postreru 2,6 vegaes más abondosa— ente qu'otros son deficitarios. Ente éstos cabe señalar al lantanu, que'l so conteníu relativo equival a una tercer parte del esistente nel Sol.[16]
Remove ads
Posible variabilidá
Abarrúntase que 1 Centauri puede ser una estrella variable de tipu Delta Scuti, poro, recibe la denominación provisional de variable NSV 19951. L'amplitú de la so variación ye pequeña, del orde de 0,02 magnitúes.[10] Coles mesmes, forma parte del grupu de les Híades, acomuñáu col cúmulu del mesmu nome na constelación de Tauru.[10]
Referencies
Wikiwand - on
Seamless Wikipedia browsing. On steroids.
Remove ads