60 Ceti
estrella From Wikipedia, the free encyclopedia
Remove ads
Coordenaes: 
2h 3m 11.65s, 0° 7′ 42.629″
60 Ceti (60 Cet / HD 12573 / HR 607)[7] ye una estrella na constelación de Cetus de magnitú aparente +5,43.[8] Al igual que δ Ceti, nesta mesma constelación, 60 Ceti alcuéntrase sobre l'ecuador celeste. Anguaño 7 minutos d'arcu al norte del mesmu, por cuenta de la precesión de la Tierra en 1950 taba asitiada nel hemisferiu sur.[7]
Asitiada a 281 años lluz de distancia del Sistema Solar, 60 Ceti ye una xigante blanca de tipu espectral A5III y 7971 K de temperatura.[9] Con una lluminosidá 76 vegaes mayor que la lluminosidá solar, la so velocidá de rotación nel so ecuador ye de siquier 107 km/s,[10] unes 50 vegaes más rápida que la del Sol. El valor del so diámetru angular —dimensión aparente del diámetru ecuatorial d'un cuerpu celeste— ye de 0,384 segundos d'arcu,[11] lo que dexa envalorar el so verdaderu tamañu, siendo ésti 3,7 vegaes más grande que'l del Sol. Ye una estrella de carauterístiques asemeyaes a les de Ras Alhague (α Aquilae) y 111 Herculis, pero más alloñada qu'éstes.
El conteníu metálico total de 60 Ceti —entendiendo por metales aquellos elementos más pesaos que'l heliu— ye más eleváu que nel Sol. Amás del heliu, 10 vegaes más abondosa que na nuesa estrella, destaquen los altos niveles de sodiu y azufre; el primeru d'ellos ye 3,5 vegaes más abondosa. Nel estremu opuestu, hai de solliñar el baxu nivel de cobre, menos de la metá que l'esistente nel Sol.[9]
Remove ads
Referencies
Wikiwand - on
Seamless Wikipedia browsing. On steroids.
Remove ads