Alberto Natusch Busch
políticu bolivianu From Wikipedia, the free encyclopedia
Remove ads
Alberto Natusch Busch (23 de mayu de 1933, Beni Department (en) 
– 23 de payares de 1994, Santa Cruz Department (en) ) foi un militar bolivianu, presidente de facto en 1979.
.svg)
Remove ads
Biografía
Graduóse como oficial nel colexu militar d'Exércitu n'avientu de 1951. Ente 1963 y 1964 estudió na Escuela d'Armes y d'Infantería de Monte (n'Alemaña Federal).
Foi profesor del Colexu Militar y de les escueles d'inxeniería, armes y comandu y estáu mayor. En 1966 foi comandante del Reximientu Andino Murillo d'Infantería de Monte. Ente 1968 y 1969 estudió na Escuela Cimera de Guerra (en Buenos Aires). En 1972 foi subxefe del Departamentu d'Operaciones del Estáu Mayor del Exércitu. En 1978 foi comandante del Colexu Militar d'Exércitu.
Ente febreru de 1974 y xunetu de 1978 foi ministru d'Agricultura y Ganadería y d'Asuntos Llabradores y Agropecuarios nel Gobiernu del xeneral Hugo Banzer Suárez, y presidente del Bancu Agrícola. Ocupó esos cargos mientres cuatro años y cinco meses (ye unu de los ministros d'Estáu de xestión más llarga na historia de Bolivia).[1]
El 1 de payares de 1979 ―con 46 años y el rangu de coronel―, executó un cruentu golpe d'Estáu contra'l presidente civil Wálter Guevara Arze ―qu'asumiera interinamente la presidencia trés meses antes, el 8 d'agostu de 1979―, y asumió la presidencia. Ordenó l'usu d'armamentu militar ―incluyíos carros d'asaltu y otros armamentos pesaos― contra civiles, lo que provocó la muerte d'un centenar de persones y mediu millar de mancaos. Considerando'l pocu tiempu nel que tuvo vixente (16 díes), el de Natusch Busch foi'l réxime más cruentu de la Historia de Bolivia. A pesar del terror qu'instaló Natusch Busch nes cais, hubo masives protestes del pueblu en toa Bolivia. Alberto Natusch afirmó que «fuera engañáu por políticos ensin escupulicios», quien-y garantizaren que si derrocaba a Wálter Guevara Arze tendría'l respaldu de partíos políticos, cosa que nun asocedió.[2]
Finalmente, güérfanu de sofitu, arrenunció'l 15 de payares de 1979 ante l'Altu Militar, fuxendo del Palaciu de Gobiernu'l 16 de payares de 1979, tres solu 16 díes. Nuna negociación col Congresu lo único que llogró foi qu'esti nun reelixera como presidente a Wálter Guevara Arze, a quien Natusch Busch acusaba de deseyar entronizarse nel poder (yá que tuviera 85 díes na presidencia). El Parllamentu escoyó entós como la so socesora a Lidia Guéiler, que sería derrocada'l 17 de xunetu de 1980 por otru golpe militar, esta vegada encabezáu pol xeneral Luis García Meza (n. 1929), quien convertiría a Bolivia nun paraísu del narcotráficu.
El 4 d'agostu de 1981, Natusch Busch protagonizó xunto con otros militares un golpe d'Estáu contra Luis García Meza, quien taba totalmente desacreditado pola sangrientu represión militar que desamarrara y la corrupción amestada al narcotráficu. Esa aición obligó a García Meza a arrenunciar a la presidencia, lo qu'abrió'l camín, un añu dempués, a la recuperación de la democracia.
En 1982, Alberto Natusch Busch tuvo que retirase de la vida pública debíu a l'alcordanza del so pésimu Gobiernu.
Tuvo casáu con Elba Rubí.[3]
El 23 de payares de 1994 morrió en Santa Cruz de la Sierra, a los 61 años, en sufriendo «una llarga y penosa enfermedá» (eufemismu por cáncer) mientres munchos años.[4]
| Predecesor: Walter Guevara Arze |
 1 de payares de 1979 - 16 de payares de 1979 |
Socesora: Lidia Gueiler Tejada |
| Predecesor: José Gil Reyes |
23 d'abril de 1973 - 14 de febreru de 1974 |
Socesor: Cargu esaniciáu |
| Predecesor: Cargu creáu |
14 de febreru de 1974 - 21 de xunetu de 1978 |
Socesor: Guillermo Escóbar Uhry |
Remove ads
Referencies
Wikiwand - on
Seamless Wikipedia browsing. On steroids.
Remove ads