Walter Guevara Arze

Walter Guevara Arze (11 de marzu de 1912, Cochabamba – 20 de xunu de 1996, La Paz) foi un abogáu, catedráticu y diplomáticu bolivianu qu'asumió la Presidencia de Bolivia ente'l 8 d'agostu de 1979 y el 1 de payares de 1979.

Walter Guevara Arze
65. presidente de Bolivia 8 agostu 1979 - 1r payares 1979 ← David Padilla - Alberto Natusch Busch → senador de Bolivia (es) embaxador
Vida
Nacimientu	Cochabamba, 11 de marzu de 1912
Nacionalidá	Bolivia
Muerte	La Paz, 20 de xunu de 1996[1] (84 años)
Estudios
Estudios	Universidá de Chicago
Llingües falaes	castellanu
Oficiu
Oficiu	diplomáticu, escritor, políticu
Premios	ver Cruz federal de la República d'Alemaña al méritu
Creencies
Relixón	catolicismu
Partíu políticu	Partido Revolucionario Auténtico (es) Movimiento Nacionalista Revolucionario (es)

Xunto a Víctor Paz Estenssoro, Hernán Siles Zuazo y otros, foi fundador del Movimientu Nacionalista Revolucionariu, (MNR) en 1941. Diputáu y senador en delles oportunidaes. Autor -ente otros llibros d'ensayu- del célebre Manifiestu a los ciudadanos d'Ayopaya ("Tesis de Ayopaya", 1946) consideráu fundamental pa esplicar el programa del MNR. Embaxador en Francia, Venezuela y Naciones Xuníes. Foi Ministru: Secretariu (Villarroel), de Rellaciones Esteriores (Paz Estenssoro, 1ᵉʳ. Gobiernu; Siles Zuazo, 1ᵉʳ. Gobiernu; y Barrientos, 3ᵉʳ. Gobiernu) y de Gobiernu (Siles Zuazo, 1ᵉʳ. Gobiernu).^[2]

En 1960 rompió col MNR y fundó'l Partíu Revolucionariu Auténticu (PRA) del que foi candidatu presidencial, llogrando'l segundu llugar en les eleiciones d'esi añu. En 1964 participó nel golpe que derrocó a Paz Estenssoro. En 1979, na so calidá de presidente del Senáu, foi designáu pol Congresu como presidente constitucional interín de la República cuando cuntaba con 67 años. Nel so gobiernu Marcelo Quiroga Santa Cruz empecipió un xuiciu de responsabilidaes contra l'ex-dictador Hugo Banzer Suárez, que depués foi archiváu. Na Asamblea de la Organización d'Estaos Americanos en La Paz, Bolivia llogró respaldu continental al so reivindicación marítima.

En 1979 foi designáu pol Congresu como presidente constitucional interín, con mandatu d'un añu y col encargu de convocar nueves eleiciones presidenciales. Menos de tres meses dempués foi derrocáu pol Cnl. Natusch Busch. En 1980 terció nes eleiciones como candidatu presidencial, pero salió exiliáu del país tres el golpe de García Meza. Reintegrado dafechu al MNR, nes eleiciones de 1989 foi candidatu vicepresidencial de Gonzalo Sánchez de Lozada. La fórmula ganó les eleiciones pero nun llogró'l poder na votación congresal. Retiráu de l'actividá política, morrió en La Paz el 20 de xunu de 1996 a los 84 años.

Obres

• Torbonada nel Cordal (1979)
• Radiografía de la negociación con Chile (1978)
• Bases pa replantegar la revolución nacional (1988)
• Radiografía de la negociación del gobiernu de les Fuercies Armaes con Chile (1988)
• La cuestión marítima al rematar el sieglu XX (1992)

Predecesor: David Padilla Arancibia	54º Presidente de Bolivia 8 d'agostu de 1979 - 1 de payares de 1979	Socesor: Alberto Natusch Busch
Predecesor: Augusto Verdes Patzi	Secretariu Xeneral 11 de febreru de 1944 - 5 d'abril de 1944	Socesor: Roberto Bilbao La Vieya
Predecesor: Tomás Antonio Suárez	Ministru de Rellaciones Esteriores y Cultu 15 d'abril de 1952 - 23 de xineru de 1956	Socesor: Manuel Barrau Peláez
Predecesor: Marcial Tamayo	Ministru de Gobiernu, Xusticia ya Inmigración 17 d'agostu de 1958 - 12 de payares de 1959	Socesor: Carlos Morales Guillén
Predecesor: Víctor Andrade Uzquiano	Ministru de Rellaciones Esteriores y Cultu 14 de payares de 1959 - 10 de xunu de 1960	Socesor: Carlos Morales Guillén
Predecesor: Alberto Crespo Gutiérrez	Ministru de Rellaciones Esteriores y Cultu 4 d'agostu de 1967 - 7 de febreru de 1968	Socesor: Tomás Guillermo Elío Moldis